Mattheos 21:16 - Dakota Wowapi Wakan Kin

¹⁶ Qa heciyapi; Dena taku eyapi kin nayaḣon he. Unkan Jesus hewicakiya; Han; Hokśiyoqopa, tona azinpi ko ipi kin etanhan wowitan duśtan ce, eyapi kin he tohinni dawapi śni he.

Mattheos 21:16 Iomraidhean Croise

Mattheos 11:25

Anpetu kin hena en Jesus waayupte c̣a heya; Ate, maḣpiya maka ko Itancan kin, ciyatan, dena taku kin tona ksapapi qa wasdonyapi kin anawicayakiḣbe c̣a hokśiyoqopapi owicayakidaka ece.

Mattheos 12:3

Unkan iye hewicakiya; Dawid taku econ qon he tohinni dawapi śni he; iye qa tona om un kin wotektehdapi qehan;

Mattheos 19:4

Unkan waayupte c̣a hewicakiya; Tuwe otokahe ekta wicakage cin he wica winyan ahna wicakaga, he tohinni dawapi śni he:

Mattheos 22:31

Tuka wicaṭe cin piya icagapi kin on Wakantanka taku eniciyapi kin he dawapi śni he; he kaken eya;

Markos 13:17

Tuka anpetu kin hena en tona ihduśakapi qa hokśiyoqopa azinwicakiyapi kin hena teḣiya unpi kta.

Markos 2:25

Unkan hewicakiya; Dawid qa tona om un qon, wotektehdapi qa einpi qehan, token econpi qon he dawapi śni he.

Lukas 21:23

Tuka anpetu kin hena en tona ihduśakapi, qa tona hokśin azinwicakiyapi kin hena woteḣi wicakiciyanke kta; maka kin akan wokakije tanka kta, qa wocanniye oyate kin de en awicaun kta.