Mattheos 2:23 - Dakota Wowapi Wakan Kin

²³ Qa otonwe wan Nazareth eciyapi kin he en hi qa hen yanka; hecen, Nazareth wicaśta eciyapi kta ce, wicaśta wokcan eye ciqon he yuecetupi.

Mattheos 2:23 Iomraidhean Croise

Mattheos 1:22

Unkan dena owasin hecen econpi, Itancan oie, wicaśta wokcan oyake ciqon he yuecetupi kta; he hecen eya;

Mattheos 21:11

Unkan wicota kin heyapi; Jesus wicaśta wokcan Galile en Nazareth otonwe kin etanhan he dee.

Mattheos 26:71

Unkan ohanzi hdepi kin ekta tankan iyaya, hehan wanji tokeca wanyake c̣a tona en unpi kin hewicakiya; De nakun Jesus Nazareth etanhan kin he kici un qon.

Markos 1:24

Qa heya; Unkayuśtan po; Jesus Nazareth etanhan, taku ecaunniconpi he; ihangunyayapi kta yahi he; nituwe kin sdonwaya, Taku Wakan Wanji Wakantanka tawa kin he niye.

Markos 1:9

Unkan anpetu kin hena icunhan, Galile en Nazareth etanhan Jesus u, qa Jordan en Johannes baptem qu.

Lukas 1:26

Unkan wi iśakpe kin en, Gabriel ohnihde wakan kin Wakantanka etanhan u śipi; Galile ekta, otonwe wan Nazareth eciyapi kin hetu;

Lukas 18:37

Unkan, Jesus Nazareth etanhan kin he hiyaya ce, eya okiyakapi.

Lukas 2:39

Unkan Itancan wicoope taw a kin owasin ecekcen yuśtanpi qehan, Galile en iye otonwe tawapi Nazareth he ekta kihdapi.

Johannes 18:5

Jesus Nazareth etanhan, eya ayuptapi. Unkan Jesus, He miye ce, eya. Unkan Judas he wiyopeye ciqon ee en opa.

Johannes 18:7

Heon etanhan ake wiwicawanga; Tuwe ayakitapi he, eya. Unkan, Jesus Nazareth etanhan, eyapi.

Johannes 19:19

Unkan Pilate wowapi wan kage c̣a, can susbeca inkpa kin en ehnaka; JESUS NAZARETH ETANHAN, JUDA OYATE WICAŚTAYATAPI KIN.

Olianyanpi kin 2:22

Israel wicaśta, wicoie kin de naḣon po; Jesus Nazareth etanhan qon, wicaśta wan niyepi kin ekta, Wakantanka hdutanin qon, wicowaśake, taku on inihanpi, qa wowapetokeca niyepi cokaya Wakantanka econ kiye ciqon hena e niye sdonyayapi.

Olianyanpi kin 24:5

Wicaśta kin de makośice, qa maka kin owancaya Juda oyate cante okic̣uninwicaye cin, qa yuomdecapi wan Nazareth etanhanpi, ewicakiyapi kin he en mdetahunkapi kin he wanji dee e iyeunyanpi ce.