Mattheos 2:16 - Dakota Wowapi Wakan Kin

¹⁶ Wicaśta ksapapi qon Herod hnayanpi wanhdake c̣ehan nina śihda; qa akicita ekta yewicaśi, qa Bethlehem qa makoce ihdukśan koya en, hokśiyopa owasin wicakte, tona waniyetu nonpa qa ihukuya, wicaśta ksapapi wiwicawange ciqon he iyacinyan.

Mattheos 2:16 Iomraidhean Croise

Mattheos 2:1

Unkan Herod wicaśtayatapi taanpetu kin he ehan, Bethlehem Juda makoce kin en Jesus tonpi, hehan iho, wiyohiyanpatanhan wicaśta ksapa Jerusalem en hipi qa heyapi;

Mattheos 2:17

Unkan hehan Jeremiya wicaśta wokcan oie qon yuecetupi, he kaken eya;

Mattheos 2:7

Hehan Herod wicaśta ksapapi qon naḣmana wicakico, qa wicanḣpi kin tohanhan tanin ece, he atayedan iwicawanga.

Wayuotanin 12:4

Qa sinte kin on maḣpiya wicanḣpi iyamnimni kin iwicacu, qa maka kin ekta eḣpewicaya. Unkan wamduśka kin he winoḣinca hokśiksuye cin itokam najin, cinca ton kinhan temye kta.

Wayuotanin 17:6

Unkan wicaśta owotanna we kin winoḣinca kin he iwitko wanmdaka, qa tona Jesus yaotaninpi kin hena we kin on. He wanmdake c̣a nina imanihan waun.