Mattheos 2:1 - Dakota Wowapi Wakan Kin

¹ Unkan Herod wicaśtayatapi taanpetu kin he ehan, Bethlehem Juda makoce kin en Jesus tonpi, hehan iho, wiyohiyanpatanhan wicaśta ksapa Jerusalem en hipi qa heyapi;

Mattheos 2:1 Iomraidhean Croise

Mattheos 1:25

Tuka cinca tokapa cinca ton śni hehanyan sdonye śni; unkan Jesus eya caśkiton.

Mattheos 2:16

Wicaśta ksapapi qon Herod hnayanpi wanhdake c̣ehan nina śihda; qa akicita ekta yewicaśi, qa Bethlehem qa makoce ihdukśan koya en, hokśiyopa owasin wicakte, tona waniyetu nonpa qa ihukuya, wicaśta ksapapi wiwicawange ciqon he iyacinyan.

Mattheos 2:19

Tuka Herod wanna ṭa hehan, iho, Itancan taohnihde wan Egupta ekta Joseph en taniniciya;

Mattheos 2:3

Herod wicaśtayatapi kin he naḣon, unkan nina yuśinyaya, Jerusalem ocowasin nakun.

Mattheos 2:5

Unkan heciyapi; Juda makoce kin en Bethlehem otonwe kin hetu ce; wicaśta wokcan kin en kaken owapi;

Mattheos 2:7

Hehan Herod wicaśta ksapapi qon naḣmana wicakico, qa wicanḣpi kin tohanhan tanin ece, he atayedan iwicawanga.

Lukas 1:5

Herod Juda wicaśtayatapi taanpetu kin en wawayuśna wan Zacariyas eciyapi, Abia optaye kin hetanhan; qa tawicu kin iś Aaron cunwintkupi kin etanhan; unkan he Elisabeth eciyapi.

Lukas 2:11

Anpe dehan Dawid totonwe kin en Wanikiya wan nicitonpi, Messiya Itancan kin he hee.

Lukas 2:15

Unkan maḣpiya ohnihde kin hena eḣpeya wicakiyahdapi qehan, wicaśta taḣincaska awanwicayakapi kin hekiciyapi; Wanna Bethlehem ekta unyanpi, qa taku hiyohi Itancan unkokiyakapi kin de wanunyakapi kta ce.

Johannes 7:42

Dawid wicoicage tawa kin etanhan Messiya hinanpe kta, qa Bethlehem otonwe Dawid en un qon hetanhan u kta ce, wowapi wakan eye śni he.