Mattheos 19:21 - Dakota Wowapi Wakan Kin

²¹ Jesus heciya; Owotanna yaun kta yacin kinhan, hde c̣a taku nitawa wiyopeye c̣a waḣpanicapi kin wicaqu wo; kinhan maḣpiya ekta woyuha duhe kta; hehan ku qa mihakam un wo.

Mattheos 19:21 Iomraidhean Croise

Mattheos 16:24

Hehan Jesus waonspewicakiye cin hewicakiya; Tuwe miyahna u kta cin kinhan, waipiic̣ida kta, qa cansusbeca ehdaku qa mihakam un kta.

Mattheos 19:20

Kośka kin he heciya; Imacaga ehantanhan dena owasin ecen ecamon ece; taku hinaḣin iyotpani waun he.

Mattheos 19:22

Tuka kośka kin he wicoie kin de naḣon qehan iyokśica kihda; taku ota ton kin heon etanhan.

Mattheos 19:28

Unkan Jesus hewicakiya; Awicakehan heciciyapi; Niyepi tona teca ni en wicatonpi kin de en omayapapi kin, tohan Wicaśta Cinhintku kin wowitan oiyotanke tawa kin en kiyotanke cinhan, niś eya oiyotanke akenonpa akan idotankapi kta, qa Israel wicoun akenonpa wicadacopi kta ce.

Mattheos 4:19

Unkan hewicakiya; Miyahna u po, kinhan wicaśta wicadupsicapi ece e kta cicagapi kta ce.

Mattheos 5:48

Heon etanhan Niyatepi maḣpiya ekta un kin he owotanna ḣinca he iyecen niś eya owotanna ḣinca un po.

Mattheos 8:22

Tuka Jesus heciya; Mihakam un wo; ito ṭapi kin hena tona kiṭapi kin wicakiḣapi kta.

Mattheos 9:9

Unkan Jesus hetanhan iyoopta iyaya hehan wicaśta wan Mattheos eciyapi, mazaska mnayanpi kin en iyotanka he wanyaka; qa heciya; Miyahna u wo. Unkan najin hiyaye c̣a ihakam iyaya.

Markos 10:21

Hehan Jesua atonwe c̣ehan waśtekidake c̣a heciya; Taku wanji ninica; hde c̣a taku duhe cin wiyopeya, qa waḣpanicapi kin wicaqu wo, kinhan maḣpiya ekta wowijice duhe kta; hehan ku, can susbeca kic̣in, qa mihakam u wo.

Markos 2:14

En hiyaya icunhan, Lewi, Alpheus cinhintku, mazaska mnayanpi ece kin en iyotanka, he wanyake c̣a; Miyahna u wo, eciya. Unkan najin hiyaye c̣a ihakam ya.

Markos 8:34

Unkan oyate kin waonspewicakiye cin om wicakico qehan, hewicakiya; Tuwe kaśta omape kta hecinhan, waipiic̣ida kta, qa cansusbeca kic̣in kta, qa mihakam u kta.

Lukas 12:33

Taku yatonpi kin wiyopekiya po, qa wicaqu po. Wojuha kukaka aye kte śni, maḣpiya ekta woyuha owihanke kte śni hena ic̣icaga po; heciya wamanon sa kiyedan u śni, qa wamduśkadan wayapote śni ece.

Lukas 14:33

Iho, he iyecen niyepi kin tuwe taku yuhe cin owasin tpagan śni ehantanhan, waonspewicawakiye cin wanji ee kta okitpani ce.

Lukas 16:9

Unkan miś heciciyapi; Woyuha owotanna śni kin on tawaśitku icicaga po; hecen tohan niye onic̣ihipi śni kinhan, iye tipi owihśnke kte śni en tin hiyuniciyapi kta ce.

Lukas 18:22

Unkan Jesus hena naḣon qehan heciya; Nahanḣin taku wanji iyotpani yaun; taku yaton kin owasin wiyopekiye c̣a waḣpanicapi kin wicakipamni wo, kinhan maḣpiya ekta woyuha duhe kta ce; hehan u qa mihakam un wo.

Lukas 5:27

Unkan taku kin dena iyohakam hetanhan ye, c̣a wamnayanpi kin heca wanji Lewi eciyapi, wamnayanpi oyanke kin en iyotankehan yanka e wanyaka; qa, Miyahna u wo, eciya.

Lukas 6:40

Waonspekiyapi kin he waonspekiye cin itokapa śni; tuka tuwe yuśtanpi kin otoiyohi waonspekiye tawa kin iyecece kta.

Lukas 9:23

Unkan owasin hewicakiya; Tuwe miyahna u wacin kinhan, waipiic̣ida, qa anpetu otoiyohi cansusbeca kin kic̣in, qa miyahna u kta.

Johannes 10:27

Taḣinca mitawa kin miho kin naḣonpi, qa hena sdonwicawakiya, qa mihakam unpi.

Johannes 12:26

Tuwe omakiye kta cin kinhan mihakam un kta; qa tukten waun hecinhan mitaokiye kin is nakun hen un kta; nakun tuwe omakiye kta hecinhan, Ate wicaśta kin he yuonihan kta.

Olianyanpi kin 2:45

Qa tona maga qa woyuha yuhapi kin hena e wiyopekiyapi, qa otoiyohi cinpi kin iyecen owasin wicakipamnipi.

Hebrew 10:34

Miye makaśkapi kin icunhan onśimayakidapi, qa woyuha duhapi qon nicipi kin he on widuśkinpi, maḣpiya ekta woyuha iyotan waśte ohinniyan ye kte cin he duhapi sdonyakiyapi kin heon etanhan.