Mattheos 18:9 - Dakota Wowapi Wakan Kin

⁹ Qa niiśta waḣtaniniye cinhan, hduśdoke c̣a eḣpeya wo; iśta wanjidan hduha wiconi en yai kte cin he waśte, qa iśta napin hduha peta owihanke wanica en iyoḣpeniyanpi kte cin he śica.

Mattheos 18:9 Iomraidhean Croise

Mattheos 16:26

Wicaśta wan maka kin ecowasin kamna, qa nagi kin toki eḣpeye cinhan he taku okihi kta he; qa wicaśta nagi kin taku iyepekiye kta he.

Mattheos 18:8

Heon etanhan, ninape qa nisiha waḣtaniniyanpi hecinhan, hena hdakse c̣a eḣpeya wo; huha kaksapi wiconi en yai kta hee waśte, qa nape nonpa qa siha nonpa hduha peta owihanke wanica en iyoḣpeniyanpi kte cin he śica.

Mattheos 19:17

Unkan heciya; Tokeca waśte emayakiya he; tuwedan waśte śni, wanji heceedan waśte, Wakantanka hee. Tuka wiconi en yai kta yacin kinhan woahope kin hena ahopa wo.

Mattheos 5:22

Tuka miś heciciyapi; Tuwe taku on etanhan śni sunkaku śicekidake cinhan he yacopi kta; qa tuwe sunkaku, Waḣteśni, eciye cinhan he omniciye tanka kin en ayapi kta; qa tuwe, Winitkotkoka, eciye cinhan, he Wakanśica tapeta kin en iyoḣpeyapi kta iyececa.

Mattheos 5:29

Niiśta etapa eciyatanhan kin he waḣtaniniye cinhan hduśdoke c̣a eḣpeya wo; niiśta wanji atakuniśni kinhan he waśte kta, qa tancan ocowasin Wakanśica ti kin en ehpeniyanpi kte śni.

Markos 9:47

Nakun niiśta waḣtaniniye cinhan hduśdoka wo; iśta wanjidan hduha Wakantanka tokiconze kin en de cinhan, hee waśte kta, qa iśta napin hduha Wakanśica ti peta kin en iyoḣpeniyanpi kte śni.

Olianyanpi kin 14:22

Qa waonspewicakiyapi nagipi kin waśag wicakiyapi, qa wacinyanpi kin en kitanyan unpi kta e iwahokonwicakiyapi, qa wokakije ota iyoopteya Wakantanka tokiconze kin en unkipi kta ce.

Hebrew 4:11

Heon etanhan wookiḣpe kin he en unkopapi kta e amniheunkiciyapi kta, okinni wicadapi śni qon he iyecen tuwe iḣpaye kta naceca.

Wayuotanin 21:27

Qa taku wiśamye aśamye cin he en i kte śni, qa taku śicaya econ, qa itonśni kin; tuka tona cajepi kin wiconi wowapi Amnos tawa kin en owicawapi kin henanapidan.