Mattheos 18:8 - Dakota Wowapi Wakan Kin

⁸ Heon etanhan, ninape qa nisiha waḣtaniniyanpi hecinhan, hena hdakse c̣a eḣpeya wo; huha kaksapi wiconi en yai kta hee waśte, qa nape nonpa qa siha nonpa hduha peta owihanke wanica en iyoḣpeniyanpi kte cin he śica.

Mattheos 18:8 Iomraidhean Croise

Mattheos 17:27

Tuka śihda wicunyanpi kte śni, e heon niś mde kin ekta ye c̣a hinśkijupi wan minin iyeya wo, qa hogan tokaheya hiyu kin he icu wo; he i kin dukawa kinhan ohna kangi kagapi wan iyeyaye kta; he icu qa miye qa niye on wicaqu wo.

Mattheos 25:41

Hehan tona catka kin eciyatanhan unpi kin hewicakiye kta; Niyaśicapi kin, mitantanhan iyaya po, peta owihanke wanica ekta, wakanśica iye taokiyewicaye cin koya on kagapi qon.

Mattheos 25:46

Unkan dena owihanke wanin wokakije kin en yapi kta; tuka wicaśta owotanna kin hena owihanke wanin wieoni kin en yapi kta.

Lukas 14:33

Iho, he iyecen niyepi kin tuwe taku yuhe cin owasin tpagan śni ehantanhan, waonspewicawakiye cin wanji ee kta okitpani ce.

Lukas 16:24

Unkan heya niyan; Ate Abraham, onśimakida qa Lazaros u śi wo, napsukaza inkpa kin mini en oputkan qa ceji makasni kta; oide kin de ohna makakija ce.

Roma 13:12

Hanyetu kin wanna ecadan unkihunipi kta, anpetu kin kohanna u kta, heon etanhan otpaza wicoḣan kin eḣpeunyanpi, qa iyoyanpa wipe kin kounyakapi kta.

Wayuotanin 14:10

He Wakantanka wocantiyahde miniśa tawa kin wocanteptanye miniyatke tawa kin en okaśtan kin hetanhan yatke kta, qa maḣpiya ohnihde owotanna un kin hena wicitokam, qa Amnos kin itokam, peta, caḣdi ko en kakiśyapi kta.

Wayuotanin 20:15

Unkan tuwe wiconi wowapi kin en owapi iyeyapi śni kin he peta mde kin en iyoḣpeyapi ece.

Wayuotanin 21:8

Tuka tona wikopapi, qa wicadapi śni, qa waḣtepi śni, qa kin wicaktepi, qa wawiciḣaḣapi econpi sa, qa wapiyapi, qa wakagapi ohodapi sa, qa oitonpiśni kin hena owasin mde wan peta qa inyan zi on itkonyahe cin he ohna taku tawapi kta, wiconṭe inonpa kin hee.