Mattheos 18:10 - Dakota Wowapi Wakan Kin

¹⁰ Ihnuhan dena cikcistinpidan wanjidan eśta śiceyadake cinhan; heciciyapi ce; Maḣpiya ekta ohnihdewicayapi tawapi kin hena Ate maḣpiya ekta un kin ite ohinniyan wanyakapi ece.

Mattheos 18:10 Iomraidhean Croise

Mattheos 1:20

Tuka hena hecen awacin un qehan, iho, Itancan taohnihde wan wowihanmde en ihdutanin qa heya; Joseph, Dawid cinhintku, Mary winoḣinca nitawa kin he yahduze kta kokipe śni wo, taku itpihnake cin he Woniya Wakan kin etanhan.

Mattheos 12:20

Cedi kaśuśujapi kin he yukse kte śni, qa haḣonta ide kte cin he kasni kte śni, woyaco he woohiye ekta au śni kinhan:

Mattheos 18:14

He iyececa, dena cikcistinpidan wanjidan eśta toki eḣpeyapi kta, Niyatepi maḣpiya ekta un kin hecen tawacin śni.

Mattheos 18:6

Qa tuwe hokśiyoqopa kin dena, wacinmayanpi kin, wanji waḣtanikiye cinhan, he inyan wiyutpan wan tahu en iyakaśkapi, qa iye miniwanca ośbe kin en iyoḣpeyapi unkanś waśte kta tuka.

Mattheos 2:13

Hena wanna kihdapi hehan, iho, Itancan taohnihde wan wowihanmde on Joseph en ihdutanin qa heya; Najin qa hokiśyoqopa hunku kici iwicacu qa Egupta ekta najica wo, qa tohan ociciyake kte cin hehanyan hen un wo: Herod hokśyoqopa kin kte wacin on etanhan ode kta ce.

Mattheos 2:19

Tuka Herod wanna ṭa hehan, iho, Itancan taohnihde wan Egupta ekta Joseph en taniniciya;

Mattheos 24:31

Unkanmazayahotonpi tanka hotanin kin on ohnihdewicaye cin yewicaśi kta, qa hena tate uya topa eciyatanhan, tona wicakaḣnige ciqon hena wicapahi kta, maḣpiya ihanke kin etanhan unma ihanke kin ekta hehanyan.

Lukas 1:19

Unkan ohnihde wakan kin waayupte c̣a heciya; Gabriel, Wakantanka itokam najin kin he miye; qa ociciye c̣a, wotanin waśte kin de sdonyeciciye kta e u maśipi.

Lukas 10:16

Tuwe ananigoptanpi kin, he miye e anamagoptan; qa tuwe waḣtenidapi śni kin, he miye e waḣtemada śni; qa miś tuwe waḣtemada śni kin, he umaśi kin hee waḣteda śni ece, eya.

Lukas 16:22

Unkan waḣpanica kin he ṭa; qa maḣpiya ohnihde kin Abraham maku kin ekta ayapi. Wicaśta wijica qon iś eya ṭa, qa ḣapi.

Olianyanpi kin 10:3

He qe anpetu wan en, napeinwanka apa hehantu, wowanyake wan en, Wakantanka taohnihde wan en hi, qa, Kornelios, eciye cin he taninyan wanyaka.

Olianyanpi kin 12:15

Unkan, Niyuhnaśkinyanpi ce, eciyapi. Tuka iś hecen eya kitan. Hehan, Maḣpiya ohnihde tawa kin hee ce, eyapi.

Olianyanpi kin 12:23

Unkan ihnuhanna Itancan taohnihde ye cin he kaśtaka Wakantanka wowitan qu śni kin heon etanhan. Unkan wamduśkadan yutapi qa hecen ṭa iyaya.

Olianyanpi kin 27:23

Wakantanka ohowada, qa iye mayuhe cin he taohnihde ye cin hinhan en mahinajin.

Olianyanpi kin 5:19

Tuka Itancan taohnihde ye cin he hanyen wicakaśka tipi tiyopa kin yuzamni, qa tankan awicau qa heya;

Roma 14:10

Tokeca nihunkawanji daco he; qa tokeca nihunkawanji iyakiḣaḣa he. Owasin Messiya tawoyaco oiyotanke kin itokam inaunjinpi kta.

Roma 14:21

Waconica yutapi śni, qa mini śa yatkanpi śni, qa taku tokeca on etanhan nihunkawanji ḣicahe c̣a, wahtani, qa waśake śni aye cin, hena econpi śni kinhan he waśte.

Roma 15:1

Unkiye waunśakapi kin tona waśake śni un sutaya wacinyanpi śni kin on wacinuntankapi kta, qa iyokipiunkicṭiyapi kte śni.

I. Korinth 11:22

Tokeca, tipi ohna wayatapi, qa wadatkanpi kte cin yahdphapi śni he. Wakantanka taokodakiciye kin ayaktapi śni, qa tona taku yuhapi śni kin hena iśtenwicayayapi he. Token eciciyapi kta he. Heon ciyatanpi kta he. Hiya, ciyatanpi śni.

I. Korinth 16:11

Heon tuwedan iḣaḣa kte śni; tuka wookiye yuha au po, ekta mahiyu kta; he hunkawanjin kiciyapi kin om u kta ape manka.

I. Korinth 9:22

Torik waśake śni kin hena en waśake śni se emaceca, tona waśake śni kin hena owicawakihi kta. Wicaśta owasin en taku owasin un kin hemaceca, wanjikji ni wicawaye kte cin heon.

II. Korinth 10:1

Palos he miye, Messiya waḣbayedan qa wacintanka heon ceciciyapi ce, niyepi ekta onśiḣanyan waun, tuka en waun śni ehantanhan, niyepi on wadimataka;

II. Korinth 10:10

He wowapi kage cin hena suta qa waśaha, tuka tancan en un kin he waśake śni qa ie cin he wowiḣa ce, eyapi.

Galatia 6:1

Mihunkawanji, wicaśta wan ihnuhanna taku śica en iyoḣpaye cinhan, niye tona owotanna yannpi kin woksape wowaḣbayedan yuha wicaśta kin he ake piya opeya maniya po; qa awanihdaka wo, okinni taku wawiyutanyan un kin en niu nun ce.

I. Thessalonike 4:8

Hecen tuwe waaktaśni kinhan, he wicaśta paha iyewicaye śni, tuka Wakantanka Iye Taniya Wakan unqupi kin hee aktaśni.

I. Timotheos 4:12

Koniśka yaun kin heon tuwedan iwaḣtenida kte śni; tuka tona wicadapi kin hena waonspewicakiya wo, wicoie kin en, wicoḣan kin en, wacantkiyapi kin en, woksape kin en, wacinyanpi kin en, woyuecedan kin en.

Hebrew 1:14

Hena owasin taku wakan wawokiya, tona wiconi aiḣpewicayapi, qa tawapi kte cin hena owicakiyapi kta e u wicaśipi qon hena eepi śni he.

Hebrew 9:24

Messiya tipi wakan nape on kagapi kin he mahen i śni, tipi wakan ḣinca iyacinpi kin hena ee; tuka maḣpiya kin e qe mahen, qa heciya unkiyepi on Wakantanka itokam ihdutanin kta.

Wayuotanin 8:2

Unkan maḣpiya ohnihde śakowin Wakantanka itokam najinpi kin wanwicamdaka; qa maza yahotonpi tanka śakowin wicaqupi.