Mattheos 16:3 - Dakota Wowapi Wakan Kin

³ Qa hanḣanna ec̣a, Ecin ośicecake kta, maḣpiya śaśa qa śapśapa, heon etanhan. Wananiciḣmanpi, maḣpiya ite kin he yukcan onnispepi, tokeca anpetu kin dena wowapetogton oyakaḣnigapi śni he.

Mattheos 16:3 Iomraidhean Croise

Mattheos 11:5

Iśtagongapi kin tonwanpi ece, huśtepi kin manipi ece, tona lepros ececapi kin ska wicakagapi ece, ṭapi kin kinipi ece, qa tona onśikapi kin hena wotanin waśte owicakiyakapi ece.

Mattheos 15:7

Wananic̣iḣmanpi, niyepi on Isaya tanyan woyake c̣a heye ciqon;

Mattheos 22:18

Unkan Jesus taku śica en wicaun kin he sdonya qa heya; Wananic̣iḣmanpi, tokeca iyutanmayayapi he:

Mattheos 23:13

Tuka wowapi kagapi qa Pharisee kin, wananic̣iḣmanpi, woteḣi niciyankapi nunwe; wiwazica tipi tawapi ihangyayapi ece, qa wanniyakapi kta on wocekiye hanska ehapi ece; heon etanhan woyaco tanka iyahdeniciyapi kta.

Mattheos 4:23

Unkan Jesus Galile owancaya iyaya, omniciye tipi yuhapi kin ohna waonspewicakiye c̣a, wokiconze wotanin waśte kin oyaka ece, qa oyate kin en wowayazan owasin qa wicocante śica owasin asniyan ece.

Mattheos 7:5

Wanaic̣iḣman, tokaheya cankaga iśta ohna niyanke cin he hduśdoka wo; qa hehan takuśni nisunka iśta ohna yanke cin he iyacu kta tanyan wandake kta.

Lukas 11:44

Wowapi kagapi qa Pharisee, wanaic̣iḣmanpi kin, woteḣi niciyankapi ece; wicaśta hnakapi tanin śni hiyeye c̣a wicaśta kin sdonye śni amanipi kin henicecapi ece.

Lukas 12:56

Wanaic̣iḣmanpi kin, niś maḣpiya ite kin maka ko iyukcan oyakihipi; tuka tokeca e nakaha kin idukcanpi śni he.

Lukas 13:15

Unkan Itancan kin waayupte c̣a heciya; Wanaic̣iḣbe cin, niyepi otoiyohi, anpetu wakan, tatanka qa iś śonśonna nitawapi kin yakiduśkapi qa miniyatkekiya adapi śni he.

Hebrew 5:14

Tuka tona tankapi, qa wanna taku utapi on tanyan ihduśtan pi, taku waśte, taku śica ko iyukcanpi kin, hena waconica yutapi ece.