Mattheos 16:16 - Dakota Wowapi Wakan Kin

¹⁶ Unkan Simon Inyan ayupte c̣a; Messiya Wakantanka ni un Cinhintku kin he niye, eya

Mattheos 16:16 Iomraidhean Croise

Mattheos 1:16

Unkan Jakob Joseph, Mary hihnaku kin, he cincaya; he etanhan Jesus Messiya eciyapi kin icaga.

Mattheos 14:33

Hehan wata en unpi kin en hipi, makata eḣpeic̣iyapi qa heciyapi; Awicakehan Wakantanka Cinhintku kin he niye.

Mattheos 16:15

Qa niś matuwe kehapi he, ewicakiya.

Mattheos 26:63

Tuka Jesus inina yanka. Unkan wośnapi kagapi itancan kin heciya; Wakantanka ni un kin on wacajeciciyate, Messiya Wakantanka Cinhintku kin he niye hecinhan, unkokiyaka miye.

Mattheos 27:54

Unkan akicita tancan qa tona om Jesus awanyake cin hena maka kin śkanśkan qa taku econpi ko wanyakapi qehan, nina yuśinyayapi, qa, Awicakehan Wakantanka Cinhintku kin he dee tuka ce, eyapi.

Mattheos 4:3

Unkan wawiyutanyan kin en hi qa heciya; Wakantanka Cinhintku kin he niye hecinhan, inyan kin dena aguyapi icage kta keya wo.

Markos 14:61

Tuka iye inina un qa takudan ayupte śni. Ake wośna kagapi itancan kin wiwange c̣a heciya; Messiya, Iyotan Waśte Cinhintku kin he niye he.

Lukas 2:11

Anpe dehan Dawid totonwe kin en Wanikiya wan nicitonpi, Messiya Itancan kin he hee.

Johannes 1:49

Nathanael ayupte c̣a heciya; Itancan, Wakantanka Cinhintku, Israel oyate Wicaśtayatapi kin he niye.

Johannes 11:27

Han, Itancan; Messiya Wakantanka Cinhintku makata hi kte ciqon he niye e wicawada ce, eciya.

Johannes 20:31

Tuka dena e owapi, heon Jesus he Messiya Wakantanka Cinhintku kin hee e wicayadapi kta; qa wicayadapi kin on, iye caje kin eciyatanhan, wiconi duhapi kta.

Johannes 6:57

Ate u maśi kin he ni un, qa Ate on ni waun, he etanhan tuwe mayute cinhan miye on ni un kta.

Johannes 6:68

Unkan Simon Inyan ayupte; Itancan, tuwe ekta unyanpi kta he; owihanke wanin wiconi wicoie duhe cin;

Johannes 6:69

Qa Messiya Wakantanka ni un Cinhintku kin he niye e wicaundapi qa sdonunyanpi ye, eya.

Olianyanpi kin 14:15

Qa heyapi, Wicaśta kin, tokeca e hecanonpi he; niye yaunpi kin iyecen, wicaśta akantu kin heuncapi, qa hena takuśniśni kin aduśtanpi qa Wakantanka ni un kin ekta nihduhomnipi kta e iwahokonunniciyapi; he maḣpiya, maka, qa miniwanca, taku ohnaka ko, owasin kage cin hee.

Olianyanpi kin 8:36

Unkan canku kin ohna hdapi, qa mini yuke cin wan iyohipi. Hehan yunokos kin; Mini wanyaka wo, baptem maqupi kta e taku teḣinda kta he, eya.

Olianyanpi kin 8:37

Unkan Philip, Nicante kin ocowaein on wicayada kinhan enicicetu kta, eciya. Hehan iś ayupte c̣a; Jesus Messiya he Wakantanka Cinhintku kin ee wicawada ce, eya.

Olianyanpi kin 9:20

Qa kohanna omniciye tipi kin ohna Messiya he Wakantanka Cinhintku kin ee ce, eya oyaka.

Roma 1:4

Qa wowaśake on Wakantanka Cinhintku kin hee e yuotaninpi, Woniya Wakan kin eeiyatanhan, wiconṭe etanhan piya ikicage cin he en;

II. Korinth 1:19

Miye, qa Siluanos, qa Timotheos, Jesus Messiya Wakantanka Cinhintku kin unkoniciyakapi qon he, han, qa hiya, hee śni, tuka iye kin on, han ecedan.

II. Korinth 3:3

Messiya tawowapi taninyan oyakapi unkiye unkagapi kin; mini sapa on kagapi śni, tuka Wakantanka ni un kin Taniya kin on owapi; inyan mdaska kin en un śni, tuka wicacante conica kin he en.

II. Korinth 6:16

Qa tipi wakan Wakantanka tawa kin he wakagapi kin kici token un kta he. Wakantanka ni un tipi wakan tawa kin he niyepi. Wakantanka heye ciqon he iyececa; Hena om wati kta, qa om mawani kta. Hena Wakantanka mayanpi kta, qa mitaoyate kin hena eepi kta ce.

I. Thessalonike 1:9

Hena e qe niye nicapi, qa niyepi ekta tukten canku kin ohna unkiyoḣpayapi kin he oyakapi, qa token wakagapi kin etanhan Wakantanka ekta nihduhomnipi, Wakantanka ni un qa wicake cin ohoyadapi kte cin heon:

I. Timotheos 3:15

Tuka tehan wai śni kinhan, deciya tanhan on token Wakantanka ti kin ohna opiniciye kta sdonyaye kta, he okodakiciye Wakantanka ni un tawa kin ee, wowieake ihupa qa taku ahe cin hee.

I. Timotheos 4:10

Wakantanka ni un wicaśta owasin Wanikiya tawapi, qa iyotan tona wicadapi kin hena, he wacinunyanpi kin heon ḣtaunnipi, qa ośtehdapi unyakonpi.

Hebrew 10:31

Wakantanka ni un nape kin en ohinhpayapi kin he wokokipe.

Hebrew 12:22

Tuka Zion Paha kin ekta yahipi, Wạkantanka ni un otonwe tawa kin, Jerusalem maḣpiya tanhan u kin, qa ohnihde unpi kin kektopawinge ota ekta;

Hebrew 3:12

Mihunkawanji, wakta po, okinni cante wicada śni, qa śice cin en niunpi, on Wakantanka ni un kin aduśtanpi kta.

Hebrew 9:14

Sam iyeya Messiya, Woniya owihanke wanice cin eciyatanhan, Wakantanka en iyaonpepica śni waihduśna qon, he iye we kin, wiconṭe wicoḣan kin etanḣan nagi nipakintapi kta, Wakantanka ni un kin wowidag niyanpi kte cin heon.

I. Johannes 4:15

Tuwe Jesus he Wakantanka Cinhintku kin hee e oyake cin he kici Wakantanka un, qa iś eya Wakantanka en un ece.

I. Johannes 5:20

Unkan Wakantanka Cinhintku kin he hi, qa wicoksape unqupi, on tuwe wicake cin iyeunkiyapi kta e sdonunyanpi; unkan tuwe wicake cin he en unyakonpi, iye Cinhintku Jesus Messiya hee. Wowicake Wakantanka qa owihanke wanin wiconi kin hee.

I. Johannes 5:5

Wicoicage ohiya ece kin he tuwe he; tuwe Jesus he Wakantanka Cinhintku kin ee e wicada kin hee.

Wayuotanin 7:2

Hehan maḣpiya ohnihde tokeca wan wiyohiyanpa tanhan wankantkiya u kin wanmdaka, he Wakantanka ni un ipuspe tawa kin yuhe c̣a maḣpiya ohnihde topa maka miniwanca ko kiuniyanpi kta e wicaqupi qon hena hotankakiya hoyewicakiye;