Mattheos 14:9 - Dakota Wowapi Wakan Kin

⁹ Unkan wicaśtayatapi kin iyokiśice ḣinca, tuka wakanyan wacajeyate cin heon, qa tona om wota iyotanke cin hena on, he qu wicaśi.

Mattheos 14:9 Iomraidhean Croise

Mattheos 14:1

Unkan anpetu kin hena en Herod wicaśtayatapi kin Jesus oyakapi kin he naḣon;

Mattheos 14:10

Hecen ekta ye wicaśi, qa conkaśke mahen Johannes pa baksa.

Mattheos 14:5

Unkan heon kte kta cin, tuka oyate kin kowicakipa; hena e wicaśta wokcan heca kecinpi.

Mattheos 14:8

Unkan he itokam hunku onspekiya, heon heya; Wanna Johannes baptem wicaqu ece qon he pa kin wakiśica wan ohna maqu ye.

Markos 6:14

Unkan Herod wicaśtayatapi kin hena naḣon; caje kin tankaya oyakapi nakaeś; hehan heya; Johannes baptem wicaqu qon he ṭapi kin etanhan kini, heon etanhan wicoḣan tanka econ ece.

Markos 6:20

Herod Johannes kokipa, wicaśta owotanna qa waśte sdonya, heon itonpa; qa oie naḣon eca taku ota ecen econ, qa iyuśkinyan naḣon ece.

Markos 6:26

Unkan wicaśtayatapi kin nina iyokiśica, tuka taku wakan cajeyan heye cin heon, qa tona om wota iyotanke cin hena on, he ipida kta tawaṭenye śni.

Lukas 13:32

Unkan hewicakiya; Yapi qa śungidan kin he heciya po; Iho, anpetu kin de qa nakun heyakecinhan, wakan śica napewicawaye c̣a, wayazankapi kin asniwicawaye kta, qa anpetu iciyamni kinhan mayuśtanpi kta ce.