Mattheos 13:44 - Dakota Wowapi Wakan Kin

⁴⁴ Akeś maḣpiya wokiconze kin he mazaska, maga wan en naḣmanpi kin he iyececa, he wicaśta wan iyeya, unkan anaḣbe c̣a, wiyuśkinyan iyaye c̣a, taku yuhe cin owasin wiyopekiye c̣a, maga kin he opeton.

Mattheos 13:44 Iomraidhean Croise

Mattheos 13:24

Wiyacinpi tokeca wan owicakiyake c̣a heya; Maḣpiya wokiconze kin wicaśta wan iye tamaga en su waśteśte oju kin he iyececa.

Mattheos 13:46

He inyan teḣika wanjidan, ota iyopeyapi kin, he iyeya, unkan iyaye c̣a, taku tawa kin owasin wiyopekiye c̣a, he opeton.

Mattheos 13:47

Akeś maḣpiya wokiconze kin he ho wan, mde kin en iyoḣpeyapi, qa ocaje owasin etanhan manaye cin, he iyececa;

Mattheos 19:21

Jesus heciya; Owotanna yaun kta yacin kinhan, hde c̣a taku nitawa wiyopeye c̣a waḣpanicapi kin wicaqu wo; kinhan maḣpiya ekta woyuha duhe kta; hehan ku qa mihakam un wo.

Mattheos 19:27

Hehan Inyan ayupte ca heciya; Iho, taku owasin eḣpeunyanpi qa nihakam unyakonpi; hecen taku unhapi kta he.

Mattheos 19:29

Qa tuwe kaśta, tipi, qa hunkawanjitku, qa tawinoḣtin, qa atkuku, qa hunku, qa tawicu, qa cinca, qa maga, micaje on etanhan eḣpeye cinhan, he opawinge akihde hduhe kta, qa nakun owihanke wanin wiconi mnaiciye kta.

Mattheos 6:21

Tukten woyuha niciyankapi hecinhan, nicantepi nakun hen un kta.

Lukas 14:33

Iho, he iyecen niyepi kin tuwe taku yuhe cin owasin tpagan śni ehantanhan, waonspewicawakiye cin wanji ee kta okitpani ce.

Johannes 6:35

Tuka Jesus hewicakiya; Aguyapi wiconi kin he miye ce. Tuwe en mau kinhan wotektehda śni un kta; qa tuwe wicamada kinhan ipuza śni un kta.

Roma 15:4

Taku tona wowapi en kagapi kin hena onspeunkiyapi kte cin heon kagapi, hecen wicowaḣbadan, qa wowapi wakan kin en wicakicanpte cin eciyatanhan woape unhapi kta.

Kolosse 2:3

Iye en woksape, qa wookahnige woyuha kin owasin naḣmanpi.

Kolosse 3:16

Messiya oie kin wijinya en niunpi nunwe; woksape owasin on, Psalm, qa odowan, qa wakan dowanpi kin en, otoiyohi wahokonyeciciyapi, qa onspeyeciciyapi kta, qa nicantepi kin en wowaonśida yuha Itancan kin iyadowanpi kta.

Hebrew 10:34

Miye makaśkapi kin icunhan onśimayakidapi, qa woyuha duhapi qon nicipi kin he on widuśkinpi, maḣpiya ekta woyuha iyotan waśte ohinniyan ye kte cin he duhapi sdonyakiyapi kin heon etanhan.

Wayuotanin 3:18

Kaken wahokonciciya ce, mazaskazi peta on yuecedan kagapi kin he opemicaton wo, winijica kta ce; qa wokoyake ska, kodake kta e heon, hecen tanconikadan on winiśtece cin he tanin kte śni; qa wiciśta wihdi kin, niiśta iyakiun kta, hecen wawandake kta.