Mattheos 13:41 - Dakota Wowapi Wakan Kin

⁴¹ Wicaśta Cinhintku kin tona ohnihdewicaye cin hena yewicaśi kta; unkan tokiconze kin etanhan tona waḣtanipi qa taku śica econpi kin owasin pahipi kta:

Mattheos 13:41 Iomraidhean Croise

Mattheos 13:49

Maka owihanke kinhan he iyecece kta; hehan maḣpiya ohnihde kin upi kta, qa tona śice cin owotanna unpi kin wiciyopeyapi kin hena iwicacupi kta;

Mattheos 18:7

Waḣtaniwicayapi kin on oyate kin woteḣi yuhapi kta; eya waḣtanikiyapi yuke kta iyececa; tuka wicaśta tuwe waḣtaniwicaya hecinhan, he woteḣi yuhe kta.

Mattheos 24:31

Unkanmazayahotonpi tanka hotanin kin on ohnihdewicaye cin yewicaśi kta, qa hena tate uya topa eciyatanhan, tona wicakaḣnige ciqon hena wicapahi kta, maḣpiya ihanke kin etanhan unma ihanke kin ekta hehanyan.

Mattheos 3:12

Icaduge nape ohna hduha, owanka tanyan hdahinte kta, qa aguyapi su kin dotopiye ohna mnakiye kta, tuka ha kin peta kasnipica śni on ḣuḣnaḣye kta.

Mattheos 8:20

Unkan Jesus heciya; Śungidan waśun tonpi, qa maḣpiya okinyanpi kin hoḣpi yuhapi ece; tuka Wicaśta Cinhintku kin tukten pa ipahinye kta yuhe śni.

Markos 13:27

Unkan hehan ohnihdewicaye cin hena ye wicaśi kta, qa tate ouye topa kin etanhan, maka ihanke kin etanhan qa maḣpiya ihanke kin hehanyan, wicakahnige ciqon hena witaya wicakpahi kta.

Roma 2:16

Anpetu wan en, Wakantanka wotanin waśtemitawa kin eciyatanhan, Jesus Messiya on, wicaśta taku naḣmana awacinpi kin yaco kinhan.

Hebrew 1:14

Hena owasin taku wakan wawokiya, tona wiconi aiḣpewicayapi, qa tawapi kte cin hena owicakiyapi kta e u wicaśipi qon hena eepi śni he.

Wayuotanin 21:27

Qa taku wiśamye aśamye cin he en i kte śni, qa taku śicaya econ, qa itonśni kin; tuka tona cajepi kin wiconi wowapi Amnos tawa kin en owicawapi kin henanapidan.