Mattheos 13:39 - Dakota Wowapi Wakan Kin

³⁹ Toka hena oju qon Wakanśica hee. Woksapi kin he wiconi kin de owihanke kin hee; qa wayuksapi kte cin maḣpiya ehnihde kin hena eepi.

Mattheos 13:39 Iomraidhean Croise

Mattheos 12:32

Qa tuwe Wicaśta Cinhintku kin taku śica eciye cinhan, he kicicajujupi kta; tuka tuwe Woniya Wakan kin taku śica eciye cinhan, he kicicajujupi kte śni, wiconi kin de en, qa nakun wiconi u kte cin en.

Mattheos 13:22

Unkan wapepeka ehna ojuipi icu qon, tuwe wicoie kin naḣon kin hee; tuka wiconi kin de awacinpi qa woyuha ota wohnaye kin hena wicoie kin kte ece, hecen waskuyeca takudan aicage śni.

Mattheos 13:25

Tuka wiciśtinma hiyeya icunhan, toka wan en hi, qa aguyapi ehna wayahota oju, qa kihda.

Mattheos 13:28

Unkan iye hewicakiya; Wicaśta wan toka kin heca e hecon. Unkan wowidakewicaye cin hena heciyapi; Unyanpi qa unpahipi kta yacin he.

Mattheos 13:40

Heon etanhan, wayahota pahipi qa peta en ḣuḣnagapi qon he wiconi kin de owihanke kin ekta hecece kta.

Mattheos 13:49

Maka owihanke kinhan he iyecece kta; hehan maḣpiya ohnihde kin upi kta, qa tona śice cin owotanna unpi kin wiciyopeyapi kin hena iwicacupi kta;

Mattheos 24:3

Unkan Oliwe paha kin akan iyotankehan yanka, hehan waonspewicakiye cin iśnana en hipi qa heciyapi; Dena tohan ecetu kta, qa niye yahi kte c̣a maka ihanke kta, taku on sdonyapi kta, he ito unkokiyaka miye.

Mattheos 25:31

Tohan Wicaśta Cinhintku kin wowitan hduha, ohnihdewicaya wakan kin owasin om u kinhan, hehan wowitan oiyotanke tawa kin en kiyotanke kta:

Mattheos 28:20

Qa taku tona econciśipi kin owasin yuhapi kta e onspewicakiya po. Unkan iho, anpetu owasin cicipi waun, maka owihanke kin hehanyan. Amen.

I. Korinth 10:11

Hena taku kin owasin waonspekiyapi on en wicahiyahde, qa unkiyepi wicoicage owihanketa unyakonpi kin wahokonunkiyapi kte cin heon wowapi en kagapi.

II. Korinth 11:3

Tuka he kowakipa, wamduśka wohnaye on Ewe hnaye ciqon he iyecen nitawacinpi kin yuśicapi kta, qa woyuecedan Messiya en un kin etanhan iyaye niyanpi kta naceca.

II. Korinth 2:17

Wicota Wakantanka oie kin hnayan kuwapi kin hena iyeuncecapi śni; tuka wowicake eciyatanhan, tuka Wakantanka eciyatanhan, qa Wakantanka itokam, Messiya unkoyakapi ece.

Ephesos 2:2

Hena ehna ehanna mayanipi, wicoicage kin de wiconi kin eciyatanhan, qa okotonyan wowaśake kin itancan kin eciyatanhan, he taku wakan woakta śni cinca kin en oḣanye cin hee.

Hebrew 1:2

He on woicage kin owasin kage c̣a, he taku owasin tawaye kta e ehde:

Hebrew 9:26

He iyececa unkanś, maka kagapi kin ehantanhan, wanna ota akihde kakije kta tuka; tuka nakaha woicage ihanke kin en, iye waihduśna kin eciyatanhan, woaḣtani yutokan iyeye kta e on taninic̣iya.

I. Inyan 5:8

Witkopi śni po, waktaya un po; Wakanśica tokaniyanpi kin he mnaja hoton ece kin iyecen omani un, tuwe yapote kte cin he akita ece.

Judas 1:14

Henok Adam etanhan wicaśta iśakowin qon he itokam hena owicayake c̣a heya; Wanyaka po; Itancan kin wicaśta waśte wicayuhe cin woyawa tanka om u ce;

Wayuotanin 12:9

Unkan wamduśka tanka kin, wamduśka wanakaja tanhan un kin hee, Wakanśica qa Satan eciyapi, wicaśta hiyeye cin owasin wicahnaye cin hee, makata eḣpeyapi, qa tona ookiye wicaye cin hena nakun kici tankan iyewicayapi.

Wayuotanin 13:14

Qa tona maka akan unpi kin wicahnayan, wowapetokeca wamanica kin itokam econ kta e qupi qon hena on. Qa tona maka akan unpi kin wamanica maza sagye on capapi tuka kini qon he iyacinpi wan kagapi kta e iwahokonwicakiya.

Wayuotanin 19:20

Hehan wamanica kin he niyake yuzapi, qa woitonśni wokcan kin he nakun, he wamanica kin itokam wowapetokeca econ, qa on tona wamanica wowapetogton tawa yuhapi, qa iyacinpi kin ohodapi kin hena wicahnaye cin hee. Unkan hena napin niyake peta mde wan inyan zi on itkonyahe cin he en iyoḣpewicayapi.