Mattheos 13:23 - Dakota Wowapi Wakan Kin

²³ Tuka maka waśte en ojupi icu qon, he tuwe wicoie kin naḣon qa okaḣniga; qa hecen waskuyeca icaḣya ece; apa opawinge, qa apa wikcemna śakpe, qa apa iś wikcemna yamni icaga ece.

Mattheos 13:23 Iomraidhean Croise

Mattheos 12:33

Can kin waśte kaga po, kinhan waskuyeca waśte kta; qa iś can kin śica kaga po, kinhan waskuyeca śice kta; can kin waskuyeca tawa kin on sdonyapi ece.

Mattheos 13:8

Tuka apa maka waśte en iḣpaya qa etanhan ota icagaapa opawinge, apa wikcemna śakpe, apa wikcemna yamni.

Mattheos 3:10

Unkan wanna onspe kin can hute kin en ehnakapi; heon etanhan can otoiyohi waskuyeca waśte aicage śni kin he kawankapi qa petan eḣpeyapi ece.

Mattheos 3:8

Heon etanhan ihduecetupi kta iyececa waskuyeca icaḣya po:

Markos 10:15

Awicakehan heciciyapi; Tuwe Wakantanka tokiconze kin hokśiyoqopa iyecen icu śni kinhan he mahen ye kte śni.

Markos 4:20

Unkan maka waśte kin en ojupi qon, tona wicoie kin naḣonpi eca icupi ece, qa waskuyeca icaḣyapi, wikcemna yamni, wikcemna śakpe, qa opawinge akihde, iho, hena eepi.

Lukas 13:9

Okinni waskuyeca icaḣye kta; tuka wanice cinhan, hinnakaha hehan yahdawanke kta ce.

Lukas 8:15

Tuka tona wanna wicoie naḣonpi ec̣a, cante waśte qa owotanna mahen yuha unpi, qa wacintankaya sutonpi kin hena maka waśte akan un qon hena eepi ce, eya.

Lukas 8:8

Unkan apa is maka waśte ahinḣpaya; unkan uye, c̣a opawingege suton, eya. Unkan hena hecekcen eye c̣ehan, heya niyan; Tuwe noge winaḣon yukan hecinhan, ito naḣon kta ce, eya.

Johannes 15:16

Niye he mayakaḣnigapi śni, tuka miye e cicaḣnigapi qa ciyusutapi; hecen tokiya dapi qa waskuyeca icaḣyayapi kta; qa waskuyeca nitawapi kin ohinniyan un kta; hecen micaje on Atewaye cin taku yakidapi kinhan nic̣upi kta ce.

Johannes 8:47

Tuwe Wakantanka etanhan kin he Wakantanka oie anagoptan. Niye Wakantanka anayagoptanpi śni ece, heon etanhan henitanhanpi śni.

Olianyanpi kin 16:14

Unkan winoḣinca wan, Ludia eciyapi, Thuatira otonwe kin etanhan, wokoyake duta ece wiyopeye cin heca, Wakantanka kokipeyahan un he naḣon yanka: unkan cante kin Itancan kin yuzamni, on Palos oie kin anagoptan.

Olianyanpi kin 17:11

Hena iś Thesalonike oyate kin sam iyeya wacin ksapapi, wicoie kin tawacin inaḣni on icupi, qa hena hecetu e sdonyapi kta, heon anpetu iyohi wowapi wakan kin en akitapi ece.

II. Korinth 9:10

Tuwe woju kin ojupi yuhekiya ece kin he aguyapi woyute yayapi kte cin nic̣upi, qa taku oyajupi kin icaḣ niciyapi, qa nitoowotanna waskuyeca kin niciyuotapi nunwe.

Philippi 1:11

Qa wicoowotanna waskuyeca kin on ojudan yaunpi nunwe, hena Jesus Messiya on Wakantanka woyatan qa wowitan tawa kin ee.

Philippi 4:17

Taku maqupi kta wacin kin hee śni, tuka waskuyeca niyepi on sanpa niciyuotapi kte cin he wacin.

Kolosse 1:10

Hecen taku iyokipi kin owasin on, Itancan kin en tanyan mayanipi kta, wicoḣan waśte owasin en, waskuyeca icaḣyayapi, qa Wakantanka sdonyapi kin en sanpa inicagapi kta.

Kolosse 1:6

He en nihipi, maka kin owancaya iyaye cin he iyececa, qa waskuyeca aicaga, niyepi kin en nakun, anpetu kin en nayaḣonpi, qa awicakehan Wakantanka towaonśida iyacupi qon ehantanhan.

I. Thessalonike 4:1

Unkan mihunkawanji, Jesus Itancan kin on etanhan cinunniciyapi qa ceunniciyapi, token mayanipi, qa Wakantanka iyokipiyayapi kte cin, unkiyepi etannan iyacupi qon he iyecen sanpa iyoniptapi kte.

II. Thessalonike 2:10

Qa tona awihnuni kin hena en woaḣtani wohnaye owasin koya; hena wowicake waśte dakapi kin on nipi kte cin he aktapi śni, heon etanhan.

Hebrew 4:2

Wotanin waśte kin unkokiyakapi, iś iyepi kin iyececa; tuka wicoie naḣonpi qon he owicakiye śni, tona naḣonpi kin wowacinye icicahiyapi śni kin heon etanhan.

Hebrew 6:7

Maka kin ota amagaju kin he yuḣepe c̣a, tona kicanyanpi kin hena on taku peji iyecetuya aicage cin he Wakantanka yuwaśte.

Hebrew 8:10

Anpetu kin hena iyohakam wicotakuye wicawecage kte cin he dee; Hena wicotawacin kin en mitoope kin wicawaqu kta, qa cantepi kin akan owawa kta, qa miye Wakantanka mayanpi kta, qa miś hena mitaoyate wicawaye kta;

II. Inyan 3:18

Tuka wowaśte kin en, qa nakun Itancan unyanpi Wanikiya Jesus Messiya sdonyapi kin en icaga po. Iye kin wowitan nakaha qa owihanke wanica kiciun nunwe. Amen.

I. Johannes 5:20

Unkan Wakantanka Cinhintku kin he hi, qa wicoksape unqupi, on tuwe wicake cin iyeunkiyapi kta e sdonunyanpi; unkan tuwe wicake cin he en unyakonpi, iye Cinhintku Jesus Messiya hee. Wowicake Wakantanka qa owihanke wanin wiconi kin hee.