Mattheos 13:22 - Dakota Wowapi Wakan Kin

²² Unkan wapepeka ehna ojuipi icu qon, tuwe wicoie kin naḣon kin hee; tuka wiconi kin de awacinpi qa woyuha ota wohnaye kin hena wicoie kin kte ece, hecen waskuyeca takudan aicage śni.

Mattheos 13:22 Iomraidhean Croise

Mattheos 12:32

Qa tuwe Wicaśta Cinhintku kin taku śica eciye cinhan, he kicicajujupi kta; tuka tuwe Woniya Wakan kin taku śica eciye cinhan, he kicicajujupi kte śni, wiconi kin de en, qa nakun wiconi u kte cin en.

Mattheos 13:39

Toka hena oju qon Wakanśica hee. Woksapi kin he wiconi kin de owihanke kin hee; qa wayuksapi kte cin maḣpiya ehnihde kin hena eepi.

Mattheos 13:40

Heon etanhan, wayahota pahipi qa peta en ḣuḣnagapi qon he wiconi kin de owihanke kin ekta hecece kta.

Mattheos 13:7

Unkan apa iś wapepeka ehna iḣpaya; unkan wapepeka tanka icage c̣a hecen kte.

Lukas 12:15

Unkan hewicakiya; Iwanihdaka po, qa wakonpi kin kokipa po; wicaśta nipi kin he taku iyakic̣uya tonpi kin he en un śni ece.

Lukas 12:21

Tuwe woyuha kihnaka, tuka Wakantanka ekta wijice śni kin he he kicica ce, eya.

Lukas 21:34

Unkan itonic̣ipa po; okinni tukten wotapi, qa witkopi, qa wiconi kin de awacinpi kin, hena on nicantepi kin niyuśakapi kta naceca; qa hecen sdonyakiyapi śni ecen anpetu kin he nihiyohipi kte.

Lukas 8:14

Qa tona wanna naḣonpi, qa hehan tokiya yapi, qa wiconi kin de woawacin kin, qa wowijice, qa wowiyuśkin kin, hena on aoṭinzapi, qa hecen tanyan sutonpi śni kin hena wapepeka ehna hinḣpaye ciqon eepi ce.

Olianyanpi kin 8:18

Unkan yewicaśipi kin nape on awicaputakapi kin he eciyatanhan Woniya Wakan wieaqupi kin he Simon wanyaka, hehan mazaska wicakahi;

Roma 12:2

Qa wicoicage kin de en iyecen awacanipi kteśni, tuka nitawacinpi yuecepidan kte cin on nihdutokecapi nunwe; hecen Wakantanka tawacin waśte, oiyokipi, qa hduśtanpi kin he tukte e idukcanpi kta.

I. Korinth 1:20

Wacin ksape cin tokiya un he; wowapi kage cin heca tokiya un he; wiconi kin de en wiyukcan kin tokiya un he; Wakantanka wicoicage kin de wicoksape kin yuwitkotko śni he.

I. Korinth 2:6

Tuka tona ksapapi kin hena ekta woksape unkoyakapi ece; tuka wicoicage kin de en wicoksape kin hee śni, qa wicoicage kin de en wicaśtayatapi toksape kin hee śni, hena atakuni śni aya.

I. Korinth 2:8

He wicoicage kin de en wicaśta itancanpi kin tuwedan sdonye śni; sdonyapi unkanś Wowitan Itancan kin cansusbeca en okatanpi kte śni tuka.

I. Korinth 3:18

Ihnuhan tuwe ic̣ihnaye cinhan. Tuwe niyepi ekta wicoicage kin de en ksapeic̣ida kin he witkotkoke ic̣icaga nunwe; hecen ksape kta.

II. Korinth 4:4

Hena ekta wicoicage kin de taku wakan tawa kin tona wicadapi śni wicotawacin kin wacinton śni wicakaga; Messiya Wakantanka ouncage kin hee, tawootanin waśte wowitan iyoyanpa kin he iyoyamwicaye kte śni heon etanhan.

Galatia 1:4

He iye waunḣtanipi kin on ic̣ic̣u, wicoicage śice cin de etanhan eunhdakupi kta, Wakantanka Ateunyanpi tawacin kin eciyatanhan:

Ephesos 2:2

Hena ehna ehanna mayanipi, wicoicage kin de wiconi kin eciyatanhan, qa okotonyan wowaśake kin itancan kin eciyatanhan, he taku wakan woakta śni cinca kin en oḣanye cin hee.

I. Timotheos 6:17

Tona maka kin den watonpike cin wahokonwicakiya wo, watankaic̣idapi kte śni, qa woyuha atakuni śni aya ece kin wacinyanpi kte śni, tuka Wakantanka ni un taku iyounkipipi kta e iyakic̣uya unqupi kin hee;

II. Timotheos 4:10

Demas he amayuśtan, wiconi kin de waśtedake c̣a Thessalonike ekta kihda, Kreskes Galatia ekta, qa Titos Dalmatia ekta.