Mattheos 13:19 - Dakota Wowapi Wakan Kin

¹⁹ Wicaśta otoiyohi wokiconze oie kin naḣon keś, okaḣnige śni kinhan, he tuwe śice cin en hi, qa taku cante en ojupi qon eyaku ece; iho, canku icahda ojupi icu qon hee.

Mattheos 13:19 Iomraidhean Croise

Mattheos 12:26

Qa Satan Satan napeye cinhan wanna iye iciciza; hecen token tokiconze kin sutaya he kta he.

Mattheos 13:20

Unkan inyan ota en ojupi icu qon he dee; tuwe wicoie kin naḣon qa oḣankoya iyuśkinyan icu;

Mattheos 13:38

Maga kin he maka ocowasin ee; su waśteśte qon he wokiconze cinca kin hena eepi; wayahota kin he tuwe śica cinca kin hena eepi:

Mattheos 4:23

Unkan Jesus Galile owancaya iyaya, omniciye tipi yuhapi kin ohna waonspewicakiye c̣a, wokiconze wotanin waśte kin oyaka ece, qa oyate kin en wowayazan owasin qa wicocante śica owasin asniyan ece.

Mattheos 5:37

Tuka taku ehe cin, Han, han; Hiya, hiya, ecedan kta; taku dena sanpa kinhan he taku śica etanhan icage kta.

Markos 4:15

Tona canku icahda qon, tukten wicoie kin ojupi, tuka he naḣonpi hehan, ecahankeya Wakanśica en hi, qa wicoie cantepi kin en ojupi qon he icu ece, iho, hena eepi.

Lukas 10:9

Qa wayazanka en unpi kin hena asniwicaya po, qa, Wakantanka tokiconze kin he kiyedan nihiyohipi ce, ewicakiya po.

Lukas 9:2

Qa Wakantanka tokiconze kin oyakapi kta, qa wayazankapi kin asniwicayapi kta ye wicaśi.

Johannes 18:38

Wowicake kin he taku he, Palate eciya. Hena hecen oie ya, unkan Pilate tankata inanpe c̣a, Juda oyate en wicaye c̣a, Wicaśta kin he taku śica econ takudan iyewaye śni, ewicakiya.

Johannes 8:43

He tokeca e iwae cin eyakaḣnigapi śni he; mioie kin anagoptan wacannipi śni kin heon etanhan.

Olianyanpi kin 17:32

Unkan wicaṭe cin piya icaḣyapi kin he naḣonpi qehan, hunḣ iḣaḣapi; qa apa iś, He on ake naunniḣonpi kta ce, eyapi.

Olianyanpi kin 18:15

Tuka wicoie, qa wicacaje, qa woope nitawapi on wiwangapi kin heca hecinhan, niś ito ekta etonwan po; taku hececa on wimdukcan kte śni ce.

Olianyanpi kin 20:25

Qa nakaha iho, niyepi kin Wakantanka tokiconze kin ociciyag ciipi qon owasin ake miite kin wanmayadakapi kte śni e sdonwakiya.

Olianyanpi kin 28:23

Unkan anpetu wan cajeyatapi kin he en wicota Palos yanke cin en hipi; unkan iś Wakantanka tokiconze kin yaotanin, qa onspewicakiye c̣a, Moses teope kin wicaśta wokcan ko, etanhan Jesus on wahokonwicakiya, anpao kin etanhan otpaze cin hehanyan.

Roma 1:28

Qa Wakantanka wacin en yuze wacinpi śni kin he iyecen, Wakantanka is eya wicotawacin waḣte śni kin en awicayuśtan, hecen taku wowiśtece kin hduśtanpi kta.

Roma 14:17

Woyute qa woyatke kin Wakantanka tokiconze kin hee śni; tuka wicoowotanna wookiye qa Woniya Wakan kin en wowiyuśkin kin hena ee.

Roma 2:8

Tuka tona wakinin unpi, qa wowicake kin anagoptanpi śni, tuka woaḣtani awacinpi kin hena, wosihda, qa wocanniye,

Ephesos 3:8

Miye tona owotanna un kin owasin en iyotan macistinna, tuka wowaonśida kin de maqupi, Ikcewicaśta kin ekta Messiya tawoyuha okaḣniḣpica śni kin he omdake kte cin hee:

II. Thessalonike 2:12

Qa hecen tona wowicake wicadapi śni, qa woaḣtani en iyuśkinpi kin hena owasin wicayacopi kta.

Hebrew 2:1

Heon etanhan taku naunḣonpi; kin hena tohinni unkikusepi kte śni e on sutaya awauncinpi kta.

I. Johannes 3:12

Qain taku śice cin eciyatanhan un, qa iye sunkaku kikte qon iyecece śni. Unkan taku on kikte he. Iye kin oḣan śica, qa sunkaku kin waśte kin heon etanhan.

I. Johannes 5:18

Tuwe Wakantanka eciyatanhan tonpi kin he waḣtani śni ece e sdonunyanpi; tuka tuwe Wakantanka eciyatanhan icage cin he tanyeḣ ihduhe c̣a hecen taku śice cin he oyutan śni ece.

I. Johannes 5:20

Unkan Wakantanka Cinhintku kin he hi, qa wicoksape unqupi, on tuwe wicake cin iyeunkiyapi kta e sdonunyanpi; unkan tuwe wicake cin he en unyakonpi, iye Cinhintku Jesus Messiya hee. Wowicake Wakantanka qa owihanke wanin wiconi kin hee.