Mattheos 12:23 - Dakota Wowapi Wakan Kin

²³ Unkan wicaśta ota kin owasin yuśinyayapi qa heyapi; Dawid cinhintku kin he dee śni he.

Mattheos 12:23 Iomraidhean Croise

Mattheos 15:22

Unkan iho, Kanan winoḣinca wan makoce kin hetanhan hiyu, qa hoyekiye qa heya; Itancan, Dawid Cinhintku, onśimada ye, micunkśi wakan śica yuhnaśkinyan, śicaya un.

Mattheos 21:9

Qa wicota tokata yapi, qa tona ihakam upi kin, howayapi qa heyapi; Dawid Cinhintku woohiye yuha nunwe. Tuwe Itancan Caje on u kin yawaśtepi nunwe: Maḣpiya ekta woohiye yuha nunwe.

Mattheos 7:28

Unkan Jesus wicoie kin dena ihunnikiya, hehan wicota wahokonwicakiye cin on yuśinyayapi.

Mattheos 9:27

Unkan Jesus hetanhan iyoopte iyaya, hehan wicaśta nom iśtagongapi kin hena ihakam yapi, howayapi qa heyapi; Dawid Cinhintku onśiunkida miye.

Mattheos 9:33

Unkan wakan śice cin napeyapi hehan ia okitpani qon ia; unkan oyate kin inihanpi qa heyapi; Israel en tohinni decen wanyakapi śni tuka qon.

Johannes 4:29

Wicaśta wan taku ecamon qon owasin omiciyake cin he ito wanyagu miye. He Messiya kin ee śni he.