Biblia Todo Logo
Bìoball air-loidhne

- Sanasan -




Mattheos 12:18 - Dakota Wowapi Wakan Kin

18 Iho, mitahokśdan wahdaḣnige ciqon; waśte wakidake cin on minagi iyuśkin ece; mitaniya kin waqu kta, hecen Ikcewicaśta kin woyaco owicakiyake kta.

Faic an caibideil Dèan lethbhreac




Mattheos 12:18
40 Iomraidhean Croise  

Hecen Isaya wicaśta wokcan kin taku eye ciqon yuecetupi kta; he kaken eya;


Iahan icunhan iho, iyoyanpa maḣpiya wan aowicahanzi, qa iho, maḣpiya kin eciyatanhan wicaho wan heya; Micinkśi waśtewakidake c̣a on iyomakipi ḣince cin he dee ce; anagoptan po


Unkan maḣpiya eciyatanhan wicaho wan tanin, Micinkśi waśtewakidake c̣a tanyan iyomakipi kin he niye ce.


Unkan maḣpiya wan aohanziwicaya; qa maḣpiya kin eciyatanhan wicaho wan tanin qa heya; Micinkśi waśtewakidake cin he dee, he anagoptan po.


Unkan oyate kin opaḣta najin hiyeya: Qa itancanwicakiyapi kin iś eya hena om iḣaḣapi qa heyapi; Wicaśta tokeca niwicaya ece qon; iye atayedan niiciya eśta śni, Messiya Wakantanka hdaḣnige cin hee hecinhan.


Qa Woniya Wakan kin wakiyedan kaḣya tantonyan kun u, qa en iyahan; unkan maḣpiya eciyatanhan wicaho wan hiyu, qa heya; Micinkśi waśtewakidake cin he niye; niye on iyomakipi ḣinca.


Itancan Woniya tawa kin he akan maun; heon waḣpanicapi kin wotanin waśte kin owicawakiyake kta e sdamakiya; tona cante psakawahanpi kin asniwicawaye kta on u maśi; wayaka unpi kin wicakiyuśkapi kta, qa iśtagongapi kin ake tonwanpi kte cin omdake kta; tona kaḣdeḣdecapi kin hena wicawakiyuśke kta;


Unkan maḣpiya qon etanhan wicaho wan hinape, c̣a heya; Micinkśi waste wakidake cin he dee ce: he anagoptan po.


Wakantanka tuwe u śi kin he Wakantanka oie oyaka; Wakantanka Taniya kin iyuta qu śni, ocowasin qu.


Jesus Nazareth etanhan kin he Wakantanka sdakiya, Woniya Wakan wowaśake ko on; qa he qe taku waśte econ iyaya ece, qa tona taku wakan śica wicayuhnaśkinyan kin hena okiziwicaya ece, Wakantanka kici un kin heon.


Hena oie kin naḣonpi unkan inina yukanpi qa Wakantanka yatanpi qa heyapi; Awicakehan Ikcewicaśta on nipi kta e ihduecetupi kin Wakantanka wicaqu ce.


Hen hdipi qa okodakiciye kin mniciye wicaśipi, qa Wakantanka token econ wicakiye cin hena owasin owicakiyakapi, qa wacinyanpi tiyopa wan Ikcewicaśta kin wicakiyuḣdoke cin he nakun.


Iye towaonśida wowitan yatanpi kte cin on, he iye Waśtekidake cin en waśteundakapi:


Palos, Wakantanka tawacin kin eciyatanhan, Jesus Messiya yeśi qon he, qa Timotheos hunawanjin unyanpi kin kici,


He otpaza wowaśake kin etanhan unkiyuśpapi, qa iye Cinhintku waśte kidake cin tokiconze kin en ounye unkiyapi:


He en yahipi, inyan wan ni un kin iyececa, wicaśta akantu eḣpeyapi, tuka Wakantanka e kaḣnige c̣a teḣike daka;


Wakantanka Ateye cin eciyatanhan woyuonihan wowitan ko icu, wowitan waśte kin etanhan wicaho kin de hiyu qehan, Micinkśi waśtewakidake cin he dee, on iyomakipi ḣinca ce.


Lean sinn:

Sanasan


Sanasan