Mattheos 12:10 - Dakota Wowapi Wakan Kin

¹⁰ Unkan iho, wicaśta wan nape śnija hen un; unkan wiwangapi qa heciyapi; Anpetu wakan icunhan waasniyapi kta iyececa he; he iyaonpapi kta e heyapi.

Mattheos 12:10 Iomraidhean Croise

Mattheos 12:2

Unkan Pharisee kin he wanyakapi hehan heciyapi; Wanyaka wo, waonspewicayakiye cin, anpetu wakan icunhan taku econpi kte śni ece kin, hee econpi.

Mattheos 19:3

Pharisee kin iś nakun en hipi, qa iyutanyanpi kta heciyapi; Taku owasin on wicaśta tawicu eḣpekiye kta iyececa he.

Markos 3:2

Unkan anpetu wakan icunhan asniye kta hecinhan he iawanyakapi; taku iyaonpapi kta e heon.

Lukas 11:54

Taku iyaonpapi kta akitapi, heon taku i kin etanhan inanpe kta on hmunkapi kta iyapepi.

Lukas 13:14

Unkan anpetu wakan icunhan Jesus waasniyan kin on etanhan omniciye tipi idake cin he canteptanyan; hecen waayupte, c̣a oyate kin hewicakiya; Wicaśta kin ḣtanipi kte cin anpetu śakpe yukan ce; hecen anpetu kin hena en u po, qa asniniyanpi kta ce; tuka anpetu wakan icunhan upi śni po, eya.

Lukas 20:22

Iho, Kesar wamnayanpi kin unqupi, qa iś unqupi kte śni, unma tukte hecetu he.

Lukas 23:14

Wicaśta kin de oyate kin owicayuśice cin wan iyecen mayakahipi; unkan iho nitokam Iwanmdaka, tuka taku iyayaonpapi kin hena on, taku śica wicaśta kin de en takudan iyewaye śni.

Lukas 23:2

Hehan hinnakaha wiyaonpapi, qa heyapi; De oyate kin owicayuśice, c̣a Kesar wamnayanpi qupi kin he teḣinda iyeunyanpi; qa iye Messiya Wicaśtayatapi kin heca keic̣iya ce, eyapi.

Johannes 5:10

Heon etanhan Juda oyate kin wicaśta asniyanpi qon heciyapi; Nakaha anpetu wakan; owinja yec̣in kin he hecetu śni ce.

Johannes 5:3

Hena ohna wicaśta wayazanka ota, huśte, iśta gonga, ṭaṭaka ko ota en raakan hiyeya, mini śkanśkan ape hiyeya.

Johannes 7:23

Hecen anpetu wakan eca wicaśta wan bakiciḣdayapi hecinhan, on Moses woope kage ciqon yujujupi kte śni; wicaśta wan anpetu wakan en ocowasin okiziwaye cin heon cantamayahdepi he.

Johannes 8:6

Taku iyaonpapi kte cin he akitapi e heon etanhan he iyutanyan heciyapi. Tuka Jesus patuś inajin, qa nape on maka kin en owa.

Johannes 9:16

Unkan Pharisee kin wanjikji; Wicaśta kin he anpetu wakan awacin śni, heon etanhan Wakantanka hetanhan śni, eyapi. Unkan apa, Wicaśta wan waḣtani sa hecinhan, wowapetokeca dececa token econ okihi kta he, eyapi. Hecen on akipam wacinhnakapi.