Mattheos 11:5 - Dakota Wowapi Wakan Kin

⁵ Iśtagongapi kin tonwanpi ece, huśtepi kin manipi ece, tona lepros ececapi kin ska wicakagapi ece, ṭapi kin kinipi ece, qa tona onśikapi kin hena wotanin waśte owicakiyakapi ece.

Mattheos 11:5 Iomraidhean Croise

Mattheos 10:8

Tona wayazankapi kin asniwicaya po, tona lepros ececapi kin ska wicakaga po, ṭapi kin hena kiniwicaya po, qa taku wakan śica napewicaya po; iyunwin codan iyacupi, Iyunwin codan wicaqu po.

Mattheos 11:4

Unkan Jesus waayupte c̣a hewicakiya; Hda po, qa taku tona nayaḣonpi qa wandakapi kin hena Johannes okiyaka po:

Mattheos 12:13

Hehan wicaśta qon heciya; Nape hdukatin wo; hecen yukatin, unkan unma kin iyecen asni icaga.

Mattheos 21:14

Hehan iśtagongapi huśtepi ko tipi wakan kin en hipi; unkan okiziwicaya.

Mattheos 5:3

Tona cante mahen onśiic̣idapi kin hena wicayawaśtepi ce; maḣpiya wokiconze kin he tawapi ece.

Mattheos 9:30

Hecen iśta hdukawapi. Unkan Jesus waśagya wahokonwicakiye c̣a heya; Ito tuwedan sdonye kte śni

Markos 7:37

Qa nina yuśinyayapi qa heyapi; Taku owasin tanyan econ ece; noge tpapi kin winaḣonwicakiye c̣a, nakun ia okitpani iewicakiya ece.

Markos 9:25

Jesus oyate kin en inyang hiyupi wanwicayaka, hehan woniya śapa iyopeye c̣a heciya; Woniya ia okitpani qa noge tpa, tankan hinanpe c̣a, icimana en ye śni wo, he miye e econ ciśi ce, eya.

Lukas 4:18

Itancan Woniya tawa kin he akan maun; heon waḣpanicapi kin wotanin waśte kin owicawakiyake kta e sdamakiya; tona cante psakawahanpi kin asniwicawaye kta on u maśi; wayaka unpi kin wicakiyuśkapi kta, qa iśtagongapi kin ake tonwanpi kte cin omdake kta; tona kaḣdeḣdecapi kin hena wicawakiyuśke kta;

Johannes 10:25

Jesus awicayupta; Wanna ociciyakapi tuka wieamayadapi śni qon; Ate caje kin eciyatanhan wicoḣan ecamon kin hena omayake cin ee.

Johannes 10:38

Tuka hecen ecamon kinhan, miye wicamayadapi śni eśta, wicoḣan kin hena wicada po; hecen Atewaye cin micica, qa miye he weeica, heciyatanhan sdonyayapi qa wicayadapi kta ce, eya.

Johannes 2:23

Unkan Jerusalem en woacakśin wośnapi kin icunhan, taku wapetokeca econ kin hena wicota wanyakapi qehan iye caje kin on wicadapi.

Johannes 3:2

Hanyetu wan Jesus yanke cin en i qa heciya; Itancan, waonspekiye Wakantanka eciyatanhan u kin henica sdonunniyanpi; taku wapetokeca ecanon ece kin tuwedan hecen okihi śni, Wakantanka kici un śni kinhan.

Johannes 5:36

Tuka Johannes sam iyeya tanka wayaotanin mduha; wicoḣan ecamon kta Ate maqu qon hena e ecamon ece; Ate umaśi e yuotanin kin hena ee.

Johannes 9:7

Qa heciya; Siloam miniyowe, yeśipi eyapi kin he kapi, he ekta ye c̣a en ihdujaja wo. Unkan ekta i, qa on ihdujaja qa hdi, unkan wawanyaka.

Olianyanpi kin 2:22

Israel wicaśta, wicoie kin de naḣon po; Jesus Nazareth etanhan qon, wicaśta wan niyepi kin ekta, Wakantanka hdutanin qon, wicowaśake, taku on inihanpi, qa wowapetokeca niyepi cokaya Wakantanka econ kiye ciqon hena e niye sdonyayapi.

Jakob 2:5

Naḣon po, mihunkawanji waśte; Wakantanka maka akan waḣpanicapi kin hena wicakaḣniga he, wacinyanpi on wijicapi, qa tona iye waśtedakapi wokiconze iwahowicaye ciqon he tawayapi kte cin.