Mattheos 10:3 - Dakota Wowapi Wakan Kin

³ Philip qa Bartholomew; Thomas qa Mattheos wamnaye ciqon; Jakob Alpheus cinhintku qa Lebbeus he nakun Thaddeus eciyapi;

Mattheos 10:3 Iomraidhean Croise

Mattheos 18:17

Tuka hena nakun anawicagoptan śni kinhan, hehan okodakiciye kin owicakiyaka wo; unkan okodakiciye kin anawicagoptan śni kinhan, hehan Ikcewicaśta qa wamnayanpi kin iyecen yahdawa kta.

Mattheos 27:56

Mary Magdalene he wanji ee, qa Mary Jakob qa Joses hunku, qa Zebede cineca hunkupi kin.

Mattheos 9:9

Unkan Jesus hetanhan iyoopta iyaya hehan wicaśta wan Mattheos eciyapi, mazaska mnayanpi kin en iyotanka he wanyaka; qa heciya; Miyahna u wo. Unkan najin hiyaye c̣a ihakam iyaya.

Markos 15:40

Nakun winoḣinca itehan tanhan wanyag yukanpi; Mary Magdalene, qa Mary, Jakob cistinna qa Joses hunku kin, qa Salome, hena opapi.

Markos 2:14

En hiyaya icunhan, Lewi, Alpheus cinhintku, mazaska mnayanpi ece kin en iyotanka, he wanyake c̣a; Miyahna u wo, eciya. Unkan najin hiyaye c̣a ihakam ya.

Markos 3:18

Qa Andrew, qa Philip, qa Bartholomew, qa Mattheos, qa Thomas, qa Jakob Alpheus cinhintku, qa Thaddeus, qa Simon Kananite;

Lukas 18:10

Wicaśta nonpa tipi wakan kin ekta cekiya ipi; unma kin Pharisee heca, qa unma iś wamnayanpi kin heca.

Lukas 18:11

Unkan Pharisee kin iśnana najin, qa kaken wocekiye eya; Wakantanka, wicaśta tokeca iyemacece śni, wawicakipi sa, oḣan owotanpidan śni, wawiciḣaḣapi econpi sa, qa wamnaye cin dee kaeś iyemacece śni heon wopida eciciya.

Lukas 18:13

Unkan wamnaye cin iś itehanyan inajin, qa iśta ee kaeś wankan maḣpiya kin ekta ikikcu śni; tuka maku kin ohna aic̣ipe, ca heya; Wakantanka onśimakida wo, wawaḣtani sa.

Lukas 19:2

Unkan iho, wicaśta wan Zakeus eciyapi, wamnayanpi itancan kin wanji hee, qa wijica.

Lukas 5:27

Unkan taku kin dena iyohakam hetanhan ye, c̣a wamnayanpi kin heca wanji Lewi eciyapi, wamnayanpi oyanke kin en iyotankehan yanka e wanyaka; qa, Miyahna u wo, eciya.

Johannes 1:48

Nathanael heciya; Tokiyatanhan sdonmayaya he. Jesus ayupte c̣a heciya; Philip nico qon he itokam can ihukuya nayajin qon hen wanciyaka.

Johannes 11:16

Hehan Thomas Didumos eciyapi kin he waonspewicakiye unmapi kin hewicakiya; Ekta unyanpi, qa kiei unṭapi kta ce.

Johannes 14:22

Hehan Judas, Iskariot hee śni, he heciya; He tokeca Itancan, unkiśnana sdonniye unyayapi kta he, qa oyate kin sdonniyanpi kte śni.

Johannes 14:5

Itancan, tokiya de cin sdonunyanpi śni, tokiya tanhan canku kin he sdonunyanpi kta he, Thomas eciya.

Johannes 14:9

Hehan Jesus heciya; Philip, wanna wanakajatanhan cicipi waun, tuka nahanḣin sdonmayaye śni he; tuwe wanmayake cin he Ateyapi kin wanyaka; hecen tokeca, Ateyapi kin wanyag unyan miye, eha he.

Johannes 21:2

Simon Inyan, qa Thomas Didumos eciyapi, qa Nathanael, Kana Galile makoce kin hetanhan, qa Zehedee cinhintku napin, qa waonspewicakiye cin tokeca nonpa, hena witayapi etu.

Olianyanpi kin 1:13

En hdipi qa wankan tipi wanji tin iyayapi qa hen iyukanpi, Inyan, qa Jakob, qa Johannes, qa Andrew, Philip, qa Thomas, Bartholomew, qa Mattheos, Jakob Alpheus cinhintku, qa Simon Zelotes, qa Judas Jakob sunkaku:

Olianyanpi kin 12:17

Tuka inina yukanpi kta e namwicakicawin, qa token on Itancan kin wicakaśka tipi kin etanhan tankan hiyu kiye cin he owicakiyaka. Qa heya, Jakob qa hunkawanjinkiciyapi kin hena oie kin owicakiyaka po. Hehan tankan kinape c̣a tokan iyaya.

Olianyanpi kin 15:13

Unkan wanna ayaśtanpi, hehan Jakob ayupte c̣a heya; Wicaśta hunkawanjin ciyapi, miye namaḣon po.

Olianyanpi kin 21:18

Unkan ihanḣanna kin hehan, Palos kici Jakob ekta unyanpi; unkan hunkawicayapi kin owasin en yukanpi.

Galatia 1:19

Tuka yewicaśipi kin tokeca tuwedan wanmdake śni, Jakob Itancan sunkaku kin heceedan.

Galatia 2:9

Qa Jakob, Inyan qa Johannes kici, ipatanhdepi kin hecapi seca, wowaonśida maqupi kin he wanyakapi, hehan takodakiciyapi on Barnabas kici nape mayuzapi, unkiś Ikoewicaśta ekta unyanpi kta, qa iyepi kin bakiḣdayapi kin ekta yapi kta.

Jakob 1:1

Jakob, Wakantanka taokiye, qa Jesus Messiya Itancan tawa kin he, wicowazi akenonpapi enanakiya eyaye cin hena wowapi wicakicaga; wookiye.

Judas 1:1

Judas, Jesus Messiya tawowidake kin, qa Jakob sunkaku kin, tona Wakantanka Ateyapi kin en wicayuecepidan, qa Jesus Messiya en wicakpatanpi, qa wicakicopi kin hena wowapi wicakicaga.