Mattheos 10:2 - Dakota Wowapi Wakan Kin

² Unkan wahośiyapi akenonpapi kin kakenken ewicakiyapi; tokaheya Simon he nakun Inyan eciyapi, qa Andrew iye sunkaku; Jakob Zebede cinhintku qa Johannes iye sunkaku;

Mattheos 10:2 Iomraidhean Croise

Mattheos 17:1

Unkan iyohaḣam anpetu śakpe hehan Jesus Inyan qa Jakob, qa iye sunkaku Johannes, hena iwicacu, qa paha wan tehanwankantu ekta awicaya;

Mattheos 20:20

Hehan Zebedee cinca hunkupi kin en hi, cinhintku napin om, cekiye c̣a taku wanji kida.

Mattheos 26:37

Unkan Inyan qa Zebedee cinhintku kin napin iwicacu, qa iyokiśica hinhda qa nina yuśaka.

Mattheos 4:18

Unkan Galile mde kin icahda mani icunhan, wicaśta nom sunkakiciyapi wanwicayaka, Simon, Inyan eciyapi, qa sunkaku Andrew eciyapi, ho wan mde kin en iyeyapi; hena hopsicapi kin hecapi:

Mattheos 4:21

Unkan hetanhan iyoopta ye c̣a, nakun nom sunkakiciyapi wanwicayaka, Jakob Zebede cinhintku qa sunkaku Johannes, wata kin ohna atkukupi Zebede kici unpi qa ho piyapi; unkan hena wicakico.

Markos 1:29

Unkan omniciye tipi kin etanhan hdicupi, hehan katinyan Simon qa Andrew tipi tawapi kin en yapi, Jakob qa Johannes nakun opapi.

Markos 13:3

Unkan Oliwe Paha kin akan iyotanka, tipi wakan kin iyotakons, hehan Inyan qa Jakob qa Johannes qa Andrew naḣmana wiwangapi;

Markos 6:30

Unkan tona yewicaśi qon hena Jesus en hdipi, qa taku owasin okiyakapi, taku econpi qa taku oyakapi ko.

Lukas 11:49

Heon iś eya Wakhntanka toksape kin heya; Waayatapi qa wahośiyapi heca ekta yewicawaśi kta ce; unkan apa wicaktepi, qa onśiya wicakuwapi kta;

Lukas 22:14

Unkan wanna iyehantu qehan, en iyotanka, qa wahośiyapi akenonpapi kin nakun.

Lukas 22:8

Hehan Inyan qa Johannes ye wicaśi qa heya; Ya po, woacakśin untapi kte cin ho wiyeya unkicihnaka po.

Lukas 5:10

Unkan Jakob qa Johannes Zebede cinhintku kin hena oza, Simon tawaśitkuwicaya, iś eya inihanpi. Unkan Jesus Simon heciya; Wikope śni wo, detanhan wicaśta kin wicaduze kta ce.

Lukas 9:10

Unkan wahośiyapi kin hena wanna hdipi qehan, taku token econpi kin owasin okiyakapi. Unkan ewicahdaku qa naḣmanna icunonpa makotahedan wan ekta i, he otonwe wan Bethsaida eciyapi kin ahankeya.

Johannes 12:22

Philip u, qa Andrew okiyaka; qa hehan Philip Andrew kici Jesus okiyakapi.

Johannes 13:23

Unkan Jesus waonspewicakiye cin wanji nina waśte kidake ciqon, he eca maku kin en makan iwanka.

Johannes 20:2

Hehan inyang hde c̣a Simon Inyan hee, qa waonspewicakiye cin unma Jesus waśtekidake ciqon, hena en hi qa hewicakiya; Itancan kin hnakapi kin etanhan eyakupi, qa tukten hnakapi kin sdonunyanpi śni ye.

Johannes 21:2

Simon Inyan, qa Thomas Didumos eciyapi, qa Nathanael, Kana Galile makoce kin hetanhan, qa Zehedee cinhintku napin, qa waonspewicakiye cin tokeca nonpa, hena witayapi etu.

Johannes 21:20

Hehan Inyan hakikta, qa waonspekiyapi wan Jesus iyotan kidake ciqon hee wicihektam u e wanyaka, ḣtayetu wotapi icunhan maku kin ipahin wanke c̣a, Itancan, tuwe e wiyopeniye kta he, eye ciqon hee.

Johannes 21:24

Taku kin hena waonspekiyapi kin he yaotanin qa wowapi en kaga; qa taku yaotanin kin he wowicake kin e sdonunyanpi.

Johannes 6:67

Hehan Jesus akenonpapi kin, Niś eya yahdapi kta he, ewicakiya.

Johannes 6:70

Unkan Jesus awicayupte; Akeninonpapi kin miye cicaḣnigapi śni he; tuka wanji wakanśica yaunpi ce, eya.

Johannes 6:71

Simon cinhintku Judas Iskariyot he ke c̣a hecen eya. Ake nonpapi kin he etanhan tuka he wiyopeye kte cin ee.

Johannes 6:8

Hehan waonspewicakiye cin wanji, Simon Inyan sunkaku, Andrew eciyapi, he nakun heciya;

Olianyanpi kin 1:13

En hdipi qa wankan tipi wanji tin iyayapi qa hen iyukanpi, Inyan, qa Jakob, qa Johannes, qa Andrew, Philip, qa Thomas, Bartholomew, qa Mattheos, Jakob Alpheus cinhintku, qa Simon Zelotes, qa Judas Jakob sunkaku:

Olianyanpi kin 1:26

Hehan woohiye eḣpekiyapi, unkan woohiye kin Matthias ahinḣpaya; qa hecen yewicaśipi akewanjipidan kin owicapeya yawapi.

Olianyanpi kin 12:2

Qa Jakob Johannes cincu qon he mazasagye on kte.

Olianyanpi kin 3:1

Unkan hehan Inyan qa Johannes kici, tipi wakan kin ekta kaitawankanhde yapi, napcinwanka ape cin, wocekiye eyapi ece kin hehantu.

I. Korinth 15:7

Qa he iyohakam Jakob wanhdaka; hehan yewicaśipi kin owasin wanhdakapi.

Ephesos 4:11

Unkan apa yewicaśipi kin heca wicaqu, qa wicaśta wokcan wanjikji, qa wotanin waśte oyakapi kte cin wanjikji, qa waawanhdakapi waonspekiya ko wanjikji;

Hebrew 3:1

Heon, mihunkawanji wakan, maḣpiya tanhan wicakico kin en oyapapi kin, wounhdakapi kin on Jesus Messiya yeśipi qa Wawayuśna Itancan kin he awacin po.

I. Inyan 1:1

Inyan, Jesus Messiya yeśi qon, wicaśta toktokeca enanakiya unpi, Pontus, Galatia, Kappadokia, Asia qa Bithunia ekta,

II. Inyan 1:1

Simon Inyan, Jesus Messiya tawowidake qa yeśi qon he, tona Wakantanka unkitawapi toowotanna kin on, qa Jesus Messiya Wanikiye cin eciyatanhan, unkiye unhapi kin iyecen wowacinye teḣika yuhapi kin hena wowapi wicakicaga.

II. Johannes 1:1

Hunkayapi un kin, Kuria kaḣnigapi qon wowapi kicaga; iye cinca kin, wowicake eciyatanhan waśtewicawadake cin hena om, qa miśnana śni, tuka nakun tona wowicake sdonyapi kin hena owasin;

III. Johannes 1:1

Hunkayapi waun kin, Gayos waśtedakapi kin, wowicake en waśtewadake cin he, wowapi cicaga.

Wayuotanin 1:1

Jesus Messiya wayuotanin tawa, taku ecadan u kta e he tawowidake kin sdonyewicakiye kta Wakantanka qu qon he dee; unkan taohnihde wan u śi, qa tawowidake Johannes he okiyaka:

Wayuotanin 1:9

Johannes hunkawanjinyayapi, wokakije, qa wokiconze, wowaḣbadan ko, Jesus Messiya tawa kin en, tawaśi yayapi kin he miye; Wakantanka oie qa Jesus Messiya wohdake cin on etanhan, wita wan, Patmos eciyapi, hen waun.

Wayuotanin 18:20

Heon, maḣpiya kin, iyuśkin wo, qa ohnihde owotanna yaunpi, qa wokcanpi kin nakun, niyepi kin on Wakantanka tokic̣on kin he etanhan.

Wayuotanin 22:8

Unkan Johannes he miye e hena wanmdake c̣a nawaḣon. Hena nawaḣon, qa wanmdaka; unkan maḣpiya ohnihde hena wanyagmakiye cin he siha kin en makata eḣpemic̣iye, ohowada kta tuka.