Mattheos 10:16 - Dakota Wowapi Wakan Kin

¹⁶ Iho, taḣinca wanunyanpi śunktokeca wicehna iyecen yeciśipi; heon etanhan wamduśka iyecen ksapa po, qa wakiyedan iyecen waḣbapidan po.

Mattheos 10:16 Iomraidhean Croise

Mattheos 24:25

Iho, itokam hena ociciyakapi

Mattheos 24:45

Tuwe wowidake owotanna qa wayupika, itancan tawa tipi awanyagkiya, tohan iyehantu eca wo wicaqu ece e kta.

Mattheos 25:2

Unkan zaptan ksapapi, qa zaptan witkotkokapi.

Mattheos 25:4

Tuka ksapapi kin hena cega ohna wihdi hduhapi, petijanjan ihupa iyahna.

Mattheos 25:9

Tuka ksapapi kin waayuptapi qa hewicakiyapi; Hiya, okinni unkiye niyepi nakun iyounhipi kte śni; tuka tona wopetonpi ece kin ekta ya pe, qa epeiciton miye.

Lukas 10:3

Ya po; iho, taḣincaska śunktokeca ehna unpi he iyecen ye ciśipi.

Lukas 21:15

Wicai wicoksape ahna cic̣upi kta, hecen tokaniyanpi kin tuwedan taku iennihdepi kte śni, qa iyakapeniyanpi kte śni.

Olianyanpi kin 20:29

Miye imdamde cinhan, hehan śunktokeca ocin śicapi kin niyepi en niipi kta, qa taḣinca kin itonwicapapi kte śni he sdonwaya.

I. Korinth 14:20

Mihunkawanji, wookahnige en hokśiyoqopa unpi śni po; tuka wicotawacin śice cin en hokśiyoqopa po, qa wookaḣnige kin en wicaśta tanka un po.

II. Korinth 1:12

Unkiyuśkinpi kin he unnagipi hdaotanin kin hee, wowicake wowakan ko en okonwanjidan, wicaceḣpi woksape yuhe śni, tuka Wakantanka towaonśida yuha, wicoicage kin ehna unnipi, qa niyepi kin ekta iyotan hececa.

II. Korinth 11:14

Qa he taku wowioihan śni, Satan iye kaeś iyoyanpa ohnihde kin iyecen ihduza.

II. Korinth 11:3

Tuka he kowakipa, wamduśka wohnaye on Ewe hnaye ciqon he iyecen nitawacinpi kin yuśicapi kta, qa woyuecedan Messiya en un kin etanhan iyaye niyanpi kta naceca.

II. Korinth 8:20

Qa taku ota unpamnipi kin de on tuwedan unhapi kte śni e he unkakitapi.

Philippi 2:15

Hecen iyaonpepica śni, qa owotanna, wicoicage wan pemni, qa yukśankśanyan un kin ehna Wakantanka cinca ecedan yaunpi kta; hena en maka petijanjan iyecen iyoyanpa yaunpi;

Kolosse 1:9

Heon anpetu kin he naunḣonpi; kin ehantanhan niyepi on cekiya unkayaśtanpi śni, qa woksape owasin, wookaḣnige ko en, iye tawacin sdonyapi kin on, onijupidan kte cin he unkidapi ece.

Kolosse 4:5

Tona tankan unpi kin hena on ksamyahan mani po, qa anpetu kin opekiton po.

I. Thessalonike 2:10

Niye sdonyayapi, qa Wakantanka nakun, tona wicayadapi kin en, wakanyan, owotanna, qa iyaonpepica śni unyakonpi.

I. Thessalonike 5:22

Taku śica ocaje owasin nakicipa po.