Mattheos 10:15 - Dakota Wowapi Wakan Kin

¹⁵ Awicakehan heciciyapi; Woyaco anpetu kin en otonwe kin he teḣiya un kta, Sodom qa Gomorra makoce kin isanpa.

Mattheos 10:15 Iomraidhean Croise

Mattheos 12:36

Tuka wicoie waśte śni otoiyohi wicaśta eyapi kin hena on woyaco anpetu kin en ohdakapi ece e kta, he miye eciciyapi

Mattheos 5:18

Awicakehan heciciyapi; Maḣpiya qa maka kin atakuniśni eśta, oowa wanjidan qa oehnake wanjidan woope kin etanhan icupi kte śni, owasin ecetu kta.

Mattheos 7:22

Anpetu kin he en wicota hemakiyapi kta; Itancan, Itancan, nicaje on wiunyukcanpi śni he; qa nicaje on taku wakan śica napewicunyanpi; qa nicaje on wicoḣan tanka ota econkupi ce.

Markos 6:11

Qa tona iyowinniciyapi śni qa ananigoptanpi śni kinhan, tohan hetanhan dapi kinhan, owicadakapi kta e heon watuśekśeca siha etanhan yahdatatapi kta. Awicakehan heciciyapi; Woyaco anpetu kin en, otonwe kin he kakije kte cin Sodom qa Gomorrah ahecece kta.

Johannes 12:48

Tuwe amaktaśni, qa mioie kin icu śni kinhan he tuwe yaco kte cin hduha; wicoie omdake cin anpetu ihankeya kin en yaco kte cin hee.

Johannes 6:39

Atewaya u maśi kin he tawacin kin he dee, tona maqu kin wanjidan toki eḣpewaye śni, ecen anpetu ihankeya kin piya icaḣwaye kta.

Johannes 6:40

Tuwe u maśi kin he tawacin kin he dee, toma Cinhintkuyapi kin he wanyake c̣a wicada kin hena owihanke wanin wiconi yuhe kta, qa anpetu ihankeya kin he en piya icaḣwaye kta.

Olianyanpi kin 17:31

Qa anpetu wan en wicaśta kin woowotanna on wicayaco kta e konza, wicaśta kaḣnige ciqon he on hecon kta, qa wiconṭe kin etanhan najin kiye cin heon he owasin sdonye wicaya ce, eya.

I. Korinth 3:13

Otoiyohi oḣan kin atanin kta; anpetu kin he yuotanin kta, peta on yuotaninyan aye kta; qa peta kin otoiyohi oḣan kin he taku kin iyukcan kta.

I. Thessalonike 5:4

Tuka mihunkawanji, niś niyepi kin otpaza ehna yaunpi śni, qa hecen anpetu kin he wamanon sa iyecen en nihipi kte śni.

Hebrew 10:25

Qa wanjikji econpi kin iyecen mniunkiciyapi ece kin he unkayuśtanpi kte śni; tuka wahokonuhkiciciyapi kta; qa anpetu kin he kiyadan u wandakapi kinhan, sanpa nina ecanonpi kta.

II. Inyan 2:6

Qa Sodom qa Gomorra otonwe kin caḣota kaḣya eḣpewicaye, woihangye on wicayaco, qa tona tokata waḣtani sa unpi kte cin hena woonspe wicakicaga;

II. Inyan 2:9

Itancan kin wicaśta waśte wowiyutanye kin etanhan token ewicahdaku kta sdonya, qa nakun wicaśta owotanna śni kin woyaco anpetu kin hehanyan wicayuhe kta, śitkihdawicayapi kta e heon:

II. Inyan 3:7

Tuka maḣpiya qa maka nakaha un kin hena iye oie kin on kihnakapi, peta on ayuhapi, woyaco anpetu qa wicaśta śica śitkihdawicayapi kte cin hehantu.

I. Johannes 4:17

Deciyatanhan wocantekiye unkiyepi en unkiciyuśtanpi ece, hecen woyaco anpetu kin en wowaditake unhapi kta: iye un kin unkiś iyecen wicoicage kin den unyakonpi ece.

Judas 1:6

Qa nakun maḣpiya ohnihde otokahe unpi kin kpatanpi śni, tuka iye tipi eḣpekiyapi qon, hena otpaza ihukuya, owihanke wanin mazaicicaḣiḣa kin on, anpetu tanka woyaco kin he en awicayuha.

Judas 1:7

Sodom qa Gomorra iyececa, qa otonwe hena ihdukśan wanke cin, hena iś eya iyecen wiinaḣmanpi kin en ic̣ic̣upi, qa wicaceḣpi toktokeca akitapi ece qon hena e woonspe on ehdepi, qa peta owibanke wanica on wośitkihda en unpi.