Mattheos 1:21 - Dakota Wowapi Wakan Kin

²¹ He cinca ton kta, unkan Jesus eya caśyaton kta; iye taoyate kin waḣtanipi kin etanhan niwicaye kta, heon etanhan.

Mattheos 1:21 Iomraidhean Croise

Mattheos 1:25

Tuka cinca tokapa cinca ton śni hehanyan sdonye śni; unkan Jesus eya caśkiton.

Lukas 1:13

Tuka ohnihde wakan kin heciya; Wakokipe śni wo, Zacariyas; wocekiye nitawa kin naḣonpi; qa nitawin Elisabeth hokśidan wan niciyuhe kta, unkan he Johannes eya caśyakiton kta.

Lukas 1:31

Qa iho, hokśin itpiyahnake c̣a hokśidan wan yaton kta, qa Jesus eya caśyakiton kta.

Lukas 2:11

Anpe dehan Dawid totonwe kin en Wanikiya wan nicitonpi, Messiya Itancan kin he hee.

Lukas 2:21

Unkan wanna anpetu iśahdogan, hokśiyoqopa baḣdayapi kta hehan Jesus eciyapi; nahaḣin itpihnakapi śni he ehan maḣpiya ohnihde kin hecen caśton.

Johannes 1:29

Anpetu iyokihe hehan Jesus etkiya u kin Johannes wanyake c̣a heya; Tacinca Wakantanka tawa, oyate waḣtanipi kin tokan eḣpeye kte cin he wanyaka po.

Johannes 4:42

Qa, Taku odake cin he etanhan wicaundapi kin hee śni, unkiś eya naunḣonpi, Messiya hee qa oyate wanikiye kte cin hee e sdonunyanpi, winoḣinca kin eciyapi.

Olianyanpi kin 13:23

Wakantanka token eye cion he eciyatanhan, wicaśta kin e cinca kin etanhan, Jesus Wanikiya kin, Israel oyate kin icaḣwicakiciciya.

Olianyanpi kin 3:26

Wakantanka iye Cinhintku Jesus najinkiye c̣a niyawśśtepi kta e on niyepi tokaheya en u śi, otoiyohi wayaḣtanipi kin etanhan ihduhomni niyanpi kta e heon.

Olianyanpi kin 4:12

Qa tuwe tokeca eciyatanhan wanikiyapi kin yuke śni; qa wicacaje tokeca maḣpiya kin ihukuya wicaśta wicaqupi, on unnipi kte cin wanica ce.

Olianyanpi kin 5:31

Hee kin Wakantanka wankan ehdaku, iye nape etapa kin ekta Itancan qa Wanikiya un kta, Israel ihduecetupi qa woaḣtani kajujupi kin wicaqu kta e heon.

Titos 2:14

He unkiyepi on ic̣ic̣u, woaḣtani owasin etanhan opeunkitonpi kta, qa oyate tawawicaye kte cin wicoḣan waśte nina ḣin akitapi kte cin hena wicahduska kta e heon.

Hebrew 7:25

Qa hecen tona iye eciyatanhan Wakantanka en upi kin hena owasin niwicaye kta okihi, hena wocekiye ewicakiciye kta e ohinniyan ni un kin heon.

I. Johannes 1:7

Tuka iye iyoyanpa en un kin he iyecen iyoyanpa kin en maunnipi kinhan, otoiyohi okiciciya unyakonpi, qa iye Cinhintku Jesus Messiya we kin he woaḣtani owasin unkipakintapi kta.

I. Johannes 3:5

Unkan iye ihdutanin qon, waunḣtanipi kin yutokan iyeye kta e heon, he sdonyayapi; qa iye kin woaḣtani takudan en un śni.

Wayuotanin 7:14

Unkan, Itancan, niye sdonyaya ce, epa. Unkan hemakiya; Wicokakije tanka etanhan upi qon dena eepi, unkan wokoyake hdujajapi, qa Amnos we kin on hduskapi.