Markos 6:2 - Dakota Wowapi Wakan Kin

² Unkan wanna anpetu wakan hehan omniciye tipi kin ohna waonspewicakiya. Qa wicota naḣonpi qehan yuśinyayapi qa heyapi; Tokiyatanhan dena yuha he; qa taku woksape qupi he; qa token iye nape on wicoḣan tanka dececa econpi he.

Markos 6:2 Iomraidhean Croise

Mattheos 4:23

Unkan Jesus Galile owancaya iyaya, omniciye tipi yuhapi kin ohna waonspewicakiye c̣a, wokiconze wotanin waśte kin oyaka ece, qa oyate kin en wowayazan owasin qa wicocante śica owasin asniyan ece.

Mattheos 7:28

Unkan Jesus wicoie kin dena ihunnikiya, hehan wicota wahokonwicakiye cin on yuśinyayapi.

Markos 1:39

Unkan Galile makoce kin owancaya, omniciye tipi kin ohna woyake c̣a, wakan śica hinape wicakiya ece.

Markos 10:1

Hetanhan najin hiyaye c̣a, Jordan akasanpatanhan, Juda makoce kin en hi: unkan ake oyate kin en witaya kata iheya; qa econ ece qon he iyecen ake wowicakiyaka.

Lukas 2:47

Unkan wacin ksape cin, qa waayupte cin tona naḣonpi qon owasin inihanpi.

Lukas 4:15

Unkan omniciye tipi tawapi kin ohnahna waonspekiya ece, hecen owasin yuonihanpi.

Johannes 6:42

Qa heyapi; Jesus Joseph cinhintku qon he dee śni he, atkuku hunku ko sdoawicunyanpi ce: hecen token, Maḣpiya eciyatanhan wahi ce, eya okihi he.

Johannes 7:15

Unkan Juda oyate kin inihanpi qa heyapi; Wicaśta kin de tokiya tanhan wowapi kin onspe he; tohinni onspekiyapi śni qon.