Markos 4:41 - Dakota Wowapi Wakan Kin

⁴¹ Unkan nina kokipapi, qa iyakitedan hekiciyapi; De taku wicaśta hwo, tate kin hee kaeś, mde ko anagoptanpi ece.

Markos 4:41 Iomraidhean Croise

Lukas 8:25

Unkan hewicakiya; Wacinyayapi kin tukte e he. Unkan iś wikopapi, inihanpi qa hekiciyapi; De taku wicaśta he; tate mini kici ee kaeś okiya eca, anagoptan ece.

Mattheos 8:27

Tuka wicaśta kin hena yuśinyayapi qa heyapi; De taku wicaśta ka hwo, hecen tate mini ko anagoptan ece.

Wayuotanin 15:4

Itancan, tuwe konicipe kte śni, qa nicaje kin inidowan kte śni he; niśnana oniowotanna; qa oyate hiyeye cin owasin upi, qa nitokam canpeśka makehde enajin kta; woyaco nitawa kin wanna tanin kin heon etanhan.

Markos 5:33

Tuka winoḣinca kin taku ecakiconpi kin sdonkiya, hecen kokipeyahan cancanyan en hi, qa itokam makata eḣpeic̣iye c̣a owasin awicakehan okiyaka.

Hebrew 12:28

Heon etanhan wokiconze yuhohopica śni kin unkicupi, wowaonśida unhapi kta, hecen woyuonihan, wokokipe ko yuha Wakantanka iyokipiya ohoundapi kta.

Lukas 4:36

Unkan owasin inihanpi, qa iyakitedan hekiciyapi; De taku oie kin; wicookihi wicowaśake ko on woniya śape cin econ wicaśi eca, tankan hinanpapi ece.

Mattheos 14:32

Unkan wata kin en opapi hehan amdakedan icu.

Markos 7:37

Qa nina yuśinyayapi qa heyapi; Taku owasin tanyan econ ece; noge tpapi kin winaḣonwicakiye c̣a, nakun ia okitpani iewicakiya ece.

Markos 4:40

Hehan hewicakiya; Tokeca kopeyahdapi he; tokeca wicayadapi śni he.

Markos 5:1

Unkan mde kin akasanpa ihunnipi, hehan Gadarene makoce kin en ipi.