Markos 3:5 - Dakota Wowapi Wakan Kin

⁵ Unkan icanksiya awicatonwan, cante teḣipike cin on iyokiśica, hehan wicaśta kin heciya; Nape hdukatin wo. Unkan hduowotanna; hecen nape kin ocowasin yuecetupi, unma kin iyececa.

Markos 3:5 Iomraidhean Croise

Mattheos 12:13

Hehan wicaśta qon heciya; Nape hdukatin wo; hecen yukatin, unkan unma kin iyecen asni icaga.

Markos 3:4

Hehan hewicakiya; Anpetu wakan icunhan taku waśte econpi kta iyececa, qa iś taku śica econpi kta, unma tukte he; waniyanpi kta qa iś waṭeyapi kta he. Tuka inina hiyeya.

Lukas 13:15

Unkan Itancan kin waayupte c̣a heciya; Wanaic̣iḣbe cin, niyepi otoiyohi, anpetu wakan, tatanka qa iś śonśonna nitawapi kin yakiduśkapi qa miniyatkekiya adapi śni he.

Lukas 17:14

Unkan wanwicayake c̣ehan, hewicakiya; Wawayuśnapi kin ekta wicayo po, qa wanyagic̣iya po. Unkan ekta yapi icunhan akisnipi.

Lukas 6:10

Unkan itanihdukśan owasin awicatonwe c̣ehan, wicaśta qon heciya; Nape kin hdukatin wo. Unkan ecen econ; qa nape kin unma kin iyecen iyekicetu.

Johannes 9:7

Qa heciya; Siloam miniyowe, yeśipi eyapi kin he kapi, he ekta ye c̣a en ihdujaja wo. Unkan ekta i, qa on ihdujaja qa hdi, unkan wawanyaka.

Roma 11:25

Mihunkawanji, wowiyukcan kin de sdonye śni dukaupi kta wacin śni, okinni ksape nic̣idapi kta; Israel oyate kin apa iśta gonge aya, Ikcewicaśta kin ocowasin en hiyu kte cin hehanyan.

II. Korinth 3:14

Tuka iye tawacinpi kin aotpasyapi: qa anpetu kin dehanyan Wowapi Wakan tanina kin yawapi eca, ite akaḣpe kin he eyakupi śni ecen un; he Messiya eciyatanhan eyakupi tuka.

Ephesos 4:18

Hena wicotawacin aotpasyapi, qa Wakantanka wiconi tawa kin itehanyan unpi, wosdonye śni iye tanmahen un kin eciyatanhan, wicocante teḣika yuapi kin heon;

Ephesos 4:26

Śinyahdapi eśta, waḣtanipi śni po. Canniniyanpi ecen wi iyaye śni nunwe.

Ephesos 4:30

Qa Wakantanka Taniya Wakan kin iypkiśinyapi śni po; he on wopekitonpi anpetu kin aiyahdeya askam niyanpi.

Hebrew 3:10

Heon etanhan wicoicage kin he on iyomayake c̣a, hepa, Cantepi kin ekta ohinniyan nunipi, qa mitacanku kin sdonyapi śni ce.

Hebrew 3:17

Tona waniyetu wikcemna topa hehanyan iyoyakeyapi qon hena tuwepi he; tona waḣtanipi, qa ḣepuza en tancan iḣpayapi qon hena eepi śni he.

Hebrew 5:9

Qa iye yuśtanpi kin heon tona anagoptanpi kin owasin owihanke wanin wiconi kin wicakicaga.

Wayuotanin 6:16

Qa inyan ḣe imnija ko hena heciyapi, Unkahinḣpayapi, qa tuwe oiyotanke kin akan kiyotanke cin itehnake kin etanhan, qa Amnos kin wocanniye tawa kin etanhan anaunḣman po: