Markos 12:1 - Dakota Wowapi Wakan Kin

¹ Hehan wiyacinpi on wowicakiyaka; Wicaśta wan hastanhanka iyuwi wojupi wan oju, qa ohomni natake c̣a, miniśa iyuśkice wan en qe c̣a, cowahe tehan wankantu wan kaga; qa kicanyanpi kte cin owicaqu, qa makoce wan tokeca ekta icimani iyaya.

Markos 12:1 Iomraidhean Croise

Mattheos 13:3

Unkan wiyacinpi on taku ota owicakiyaka, qa heya; Iho, wicaśta woju wan woju iyaya:

Mattheos 21:28

Tuka token idukcanpi he: Wicaśta wan cinhintku nonpa: unkan tokapa kin en hi qa heciya; Cinś, anpetu kin de hastanhanka iyuwi ojupi mitawa kin en ḣtani ya wo.

Mattheos 21:33

Wiyacinpi wan tokeca naḣon po; Wicaśta wan tipi yuhe cin he hastanhanka iyuwi ojupi wan oju, qa ihdukśan natake c̣a ohna iyuśkice wan qe c̣a nakun cowahe wan en kaga; qa wicaśta kicanyanpi kta owicaqu, hehan icimani iyaya.

Mattheos 21:34

Unkan wanna waskuyeca suton kta, hehan wowidake wicayuhe cin wicaśta kicanyanpi kin ekta yewicaśi; waskuyeca etanhan icupi kte cin heon.

Mattheos 25:14

He iyecen wicaśta wan makoce tokeca ekta ye kta, hehan wowidake wicayuhe cin wicakico, qa woyuha tawa kin wicakipamni.

Markos 11:33

Unkan waayuptapi qa Jesus heciyapi; Sdonunyanpi śni. Unkan Jesus waayupte c̣a hewicakiya; Miś eya wowaśake tukte e on dena ecamon kin he nakun ociciyakapi kte śni.

Markos 13:34

Wicaśta wan icimani ye kte cin, tipi eḣpeye c̣a taokiyewicaye cin taku econ wicaśi, otoiyohi wicoḣan wicaqu, qa tiawanyake cin he awanyake śi, he iyececa.

Markos 3:23

Unkan iye hena wicakico qa wiyacinyan hewicakiya; Token Satan Satan napeya okihi kta he.

Markos 4:2

Unkan wiyacinpi on taku ota onspewicakiya; qa waonspewi cakiya icunhan hewicakiya;

Lukas 15:13

Unkan iyohakam anpetu tonana hehan cinhintku hakakta qon he taku owasin witaya tpahi, qa itehanyan makoce wan ekta icimani iyaya; qa hen śicaya oḣanyanpi kin on taku yuhe cin hdutakuni śni.

Lukas 19:12

Qa heya; Wicaśta ihdawa wan makoce itehan wan ekta iyaya, wokiconze icu qa ku kta.

Lukas 22:9

Unkan heciyapi; Tukten wiyeya unhnakapi kta yacin he.

Lukas 8:10

Unkan heya; Niyepi Wakantanka tokiconze woanaḣbe kin hena oyakaḣnigapi kta nic̣upi; tuka tokan kin iś wiyacinpi ece: hecen etonwanpi keś wanyakapi kte śni, qa wanaḣonpi keś okaḣnigapi kte śni ce.

Olianyanpi kin 7:38

Qa ḣewoskan makoce kin ekta okodakiciye kin kici un qon hee, Sina paha kin etu, maḣpiya ohnihde kin okiye c̣a nakun hunkake wicunyanpi kin; qa be wiconi oie kin unqupi kta e icu.