Markos 1:8 - Dakota Wowapi Wakan Kin

⁸ Miś miye awicakehan mini on baptem cic̣upi; tuka iye qe Woniya Wakan kin on baptem nic̣upi kta ce.

Markos 1:8 Iomraidhean Croise

Mattheos 3:11

Miye nihduecetupi kta on mini on baptem cic̣upi; tuka wanji iyotan waśaka mihakam u, he tahanpe kin weciyuhe kta iyemicihantu śni; he qe Woniya Wakan qa peta on baptem nic̣upi kta.

Markos 1:7

Qa woyake c̣a heya; Mihakam wanji mikapeya waśake cin he u ce, he patuś nawajin qa hankpan weciyuśdoke kta iyemicihantu śni.

Markos 1:9

Unkan anpetu kin hena icunhan, Galile en Nazareth etanhan Jesus u, qa Jordan en Johannes baptem qu.

Lukas 3:16

Hehan Johannes waayupte c̣a owasin hewicakiya; Awicakehan mini on baptem cic̣upi; tuka wanji mikapeya waśaka u, he iye tahanpe hankpan kin weciyuśke kta iyemacece śni; he qe Woniya Wakan peta ko on baptem nic̣upi kta.

Johannes 1:26

Johannes awicayupte c̣a heya; Miye mini on baptem wicawaqu ece: tuka wanji nayajinpi kin cokaya najin tuka sdonyayapi śni;

Johannes 1:33

Unkan he tuwe kin sdonwaye śni, tuka mini on baptem wicaqu maśi qon he omakiyaka; Tohan maḣpiya kin eciyatanhan Woniya kin kuntkiya ye c̣a, tuwe iyahde wandake cinhan he iye Woniya Wakan on baptem wicaqu kta.

Olianyanpi kin 1:5

Awicakehan Johannes mini on baptem wicaqu, tuka tokata anpetu tonana ihan, hehan Woniya Wakan on baptem nic̣upi kta ce, eya.

Olianyanpi kin 10:45

Unkan bakiḣdayapi kin etanhanpi tona wicadapi qon, tona Inyan kici hipi kin hena yuśinyayapi, Woniya Wakan wicaqupi ece kin he Ikcewicaśta iyepi kaeś awicakaśtanpi kin heon etanhan.

Olianyanpi kin 2:17

Unkan anpetu ihankeya kin en, (Wakantanka eya,) mitaniya kin wicaceḣpi owasin awicawakaśtan kta; unkan nicinkśipi nicunkśipi ko wokcanpi kta, qa kośka nitawapi kin wowanyake kin wanyakapi kta, qa wicaḣinca nitawapi kin wowihamde ihamnanpi kta ce.

Olianyanpi kin 2:4

Unkan owasin Woniya Wakan kin on ojupidan qa wicaceji toktokeca on iapi, Woniya Wakan ie wicakiye cin he iyecen.

I. Korinth 12:13

Woniya wanjidan on, unkiye owasin wicatancan wanjidan kta e baptem unqupi, Juda qa Helenes oyate, wowidake un kin, tona tawa ic̣iyapi kin hena koya; qa owasin Woniya wanjidan kin he en wayatke unkiyapi.