Markos 1:44 - Dakota Wowapi Wakan Kin

⁴⁴ Qa heciya; Ihnuhan tuwe taku eyakiye cinhan; tuka hde c̣a, wośna kage cin he en hdutanin wo, qa niyuskapi kta on taku Moses econ wicaśi qon hena wayuśna wo, hecen iyepi ekta woyutanin kta.

Markos 1:44 Iomraidhean Croise

Mattheos 8:4

Unkan Jesus heciya; Ihunhan tuwe oyakidake cinhan; tuka ekta ye c̣a wośnapi kage cin he en ihdutanin wo, qa taku Moses econniśi qon he wayuśna wo, sdonyapi kta e heon etanhan.

Markos 1:43

Hehan tanyan wahokonkiye c̣a hetanhan hdeśi;

Lukas 17:14

Unkan wanwicayake c̣ehan, hewicakiya; Wawayuśnapi kin ekta wicayo po, qa wanyagic̣iya po. Unkan ekta yapi icunhan akisnipi.

Lukas 5:14

Unkan tuwedan okiyake śni śi; tuka wawayuśna kin ekta ye c̣a wanyagic̣iye kta, qa wayuskapi kta on token Moses econ wicaśi qon he ecen econ kta, keya; hecen wowicakiyake kta.

Olianyanpi kin 23:22

Hehan akicita tancan tanka kośka qon hdicu ye c̣a, Hena omayakidake cin he tuwedan sdonye ye śni wo, eciya.

Roma 15:4

Taku tona wowapi en kagapi kin hena onspeunkiyapi kte cin heon kagapi, hecen wicowaḣbadan, qa wowapi wakan kin en wicakicanpte cin eciyatanhan woape unhapi kta.

I. Korinth 10:11

Hena taku kin owasin waonspekiyapi on en wicahiyahde, qa unkiyepi wicoicage owihanketa unyakonpi kin wahokonunkiyapi kte cin heon wowapi en kagapi.