Lukas 9:7 - Dakota Wowapi Wakan Kin

⁷ Unkan taku econ kin owasin, Herod wicaśtayatapi kin naḣon; qa hehan token cante yuza nun tanin śni; apa Johannes wiconṭe kin etanhan kini keyapi kin heon etanhan:

Lukas 9:7 Iomraidhean Croise

Mattheos 11:2

Unkan Johannes kaśka hnakapi kin en Messiya oḣan kin naḣon qehan, iye waonspewicakiye cin nom ekta yewicaśi;

Markos 8:28

Unkan ayuptapi; Johannes baptem wicaqu kin; qa wanjikji; Elias; qa wanjikji; Wicaśta wokcan wanji he niye, eyapi.

Lukas 13:31

Unkan anpetu kin he en Pharisee kin wanjikji ekta hipi qa heciyapi; Detanhan ye c̣a tokan iyaya wo; Herod nikte kta cin.

Lukas 21:25

Anpetu wi, qa hanyetu wi, qa wicanḣpi kin hena ekta wowapetokeca yuke kta; qa maka akan oyate kin yazanhdapi kta, qa wicotoketu tanin śni; qa miniwanca otaja ko sa wanke kta.

Lukas 23:7

Unkan Herod taoyate kin hetanhan e Pilate sdonya, hehan Herod ekta iyayeya; he qe wanna Jerusalem en un.

Lukas 3:1

Unkan Tiberius Kesar wicaśtayatapi un waniyetu iakezaptan, Pontius Pilate Juda en itancan, Herod Galile en itancan, qa iye sunkaku Philip Itureya qa Trakonitos en itancan, qa Lusanius Abilene en itancan;

Lukas 9:19

Unkan waayuptapi qa, Johannes baptem wicaqu qon; qa apa iś, Elias; qa apa tokeca iś; Wanakaja waayatapi qon hena etanhan wanji kini ce, eyapi ce, eyapi.