Lukas 9:51 - Dakota Wowapi Wakan Kin

⁵¹ Unkan anpetu en wankan eyakupi kte cin wanna kiyedan aya, hehan Jerusalem ekta ye kta e ite kin hdusuta;

Lukas 9:51 Iomraidhean Croise

Markos 16:19

Hecen Itancan kin owicakiya, hehan maḣpiya ekta eyakupi, qa Wakantanka etapa eciyatanhan kiyotanka.

Lukas 12:50

Tuka baptem wanji on baptem maqupi kta; qa he tohanyan yuśtanpi śni hehanyan aoṭinsmayanpi ce.

Lukas 13:22

Unkan otonwe qa otonwe ciqadan iyaza ye c̣a, waonspekiya; qa Jerusalem etkiya ya.

Lukas 17:11

Unkan Jerusalem ekta ye c̣ehan, Samaria qa Galile cokaya iyoopta iyaya.

Lukas 18:31

Unkan akenonpapi kin ewicayaku qa hewicakiya; Iho, Jerusalem ekta unyanpi, qa wicaśta wokcan Wicaśta Cinhintku kin on token owapi qon owasin yuecetupi kta.

Lukas 19:11

Unkan hena naḣonpi qehan nakun wiyacinpi wan owicakiyaka; wanna Jerusalem ikiyedan un, qa Wakantanka tokiconze kin ecadan u kta kecinpi kin heon etanhan:

Lukas 19:28

unkan hena hecen eye c̣ehan, tokata ye c̣a Jerusalem ekta itawankanhde iyaya.

Lukas 24:51

Unkan wicayawaśte icunhan, yutokan ewicakiciyakupi, qa wankan maḣpiya kin ekta ayapi.

Lukas 9:57

Unkan canku ohna yapi icunhan, tuwe heciya; Itancan kin, tokiya kaśta de cinhan ciyahna mde kta ce, eya.

Johannes 13:1

Anpetu en wośnapi ece kin itokam, anpetu qon wanna hiyohi, he en maka kin detanhan iyaye kta, Atkuku ektakiya hde kta, Jesus sdonkiya, tona maka akan tawa kin waśtewicadake cin hena owihanketa waśtewicakida.

Johannes 16:28

Atewaye cin eciyatanhan wau, qa oyate kin de en wicawahi Ake oyate kin eḣpewicawaye kta qa Ate ekta wahde kta.

Johannes 16:5

Tuka wanna tuwe umaśi kin he ekta wahde kta; qa wanjidan, Tokiya de kta he, emayakiyapi śni.

Johannes 17:11

Wanna oyate kin dematanhan śni, tuka iye e oyate kin en opeya ni unpi, qa miye wanna nitankiyadan waku kta. Ate wakan, nicaje kin on dena mayaqu qon hduha wo, hecen unwanjidan qon iś iyecen wanjidan kta.

Johannes 6:62

Wicaśta Cinhintku kin wankan un qon ake ekta kihde c̣a, wandakapi kinhan, tokeca kta he.

Olianyanpi kin 1:2

Tona wicakaḣnige c̣a yewicaśi qon hena Woniya Wakan kin eciyatanhan wahokonwicakiye cin iyohakam, anpetu wan en wankan eyakupi kin hehanyan.

Olianyanpi kin 1:9

Unkan hena hecen eye c̣a, wanhdakapi icunhan, yuwankan icupi; qa wanyakapi kin etanhan maḣpiya śapa wan eyaku.

Ephesos 1:20

He Messiya okiciḣan, wiconṭe etanhan najin kiye c̣ehan, qa maḣpiya ekta iye etapa kim en ekihde:

Philippi 3:14

Tuka taku wanji ecamon, taku hekta un kin hena akiktonś waun, qa taku tokata un kin hena ekta nape yewakiya ece; hecen oinajinta awaimnanka, Jesus Messiya on Wakantanka wankantuya wicakico kin en oqipe kin yewakiye kte cin heon etanhan.

I. Timotheos 3:16

Unkan he taku aiepica śni, Wakantanka awacinpi kin he wowiyukcan tanka; Wakan tanka wicaceḣpi en ihdutanin qon, Woniya kin on yaowotanna kagapi, maḣpiya ohnihde kin wanyakapi, Ikcewicaśta kin ekta oyakapi, wicoicage kin en wicadapi, qa wowitan kin ekta wankan ehdakupi.

Hebrew 12:2

Qa Jesus wacinunyanpi kin toka kage c̣a hduśtan kin hee ekta euntonwanpi kta. He iye, wowiyuśkin itokam ehdepi qon he on, can susbeca kin hee kaeś iyowinkiye c̣a, wowiśtece kin he taku da śni, qa Wakantanka oiyotanke etapa kin eciyatanhan kiyotanka.

Hebrew 6:20

Heciya Jesus kahin tokam ye cin unkiyepi on timahen iyaya, he Melkizedek ouncage kin iyecen Wawayuśna Itancan kin heca kagapi.

I. Inyan 3:22

Iye qe maḣpiya kin ekta kihde c̣a Wakantanka etapa kin eciyatanhan yanka; maḣpiya ohnihde, qa wicookihi, qa wowaśake kin owasin iye ihukun iyewicayapi.