Lukas 9:5 - Dakota Wowapi Wakan Kin

⁵ Qa tuwe kaśta iyowinniciyapi sni kinhan, otonwe kin he inayapapi kinhan, nisihapi watuśekśeca onistakapi kin hee kaeś katata po, he owicayake kta ce.

Lukas 9:5 Iomraidhean Croise

Mattheos 10:18

Qa wicaśta itancanpi wicaśtayatapi ko, en aniyanpi kta, miye on etanhan, hecen iyepi qa Ikcewicaśta ko wicayakiyutaninpi kta.

Markos 6:11

Qa tona iyowinniciyapi śni qa ananigoptanpi śni kinhan, tohan hetanhan dapi kinhan, owicadakapi kta e heon watuśekśeca siha etanhan yahdatatapi kta. Awicakehan heciciyapi; Woyaco anpetu kin en, otonwe kin he kakije kte cin Sodom qa Gomorrah ahecece kta.

Markos 9:37

Tuwe hokśiyoqopa dececa wanji, micaje on tin hiyuye cinhan, miye tin hiyumayan ece; qa tuwe tin hiyumaye cin he miye śni, tuka tuwe u maśi kin he tin hiyuya ece.

Lukas 10:16

Tuwe ananigoptanpi kin, he miye e anamagoptan; qa tuwe waḣtenidapi śni kin, he miye e waḣtemada śni; qa miś tuwe waḣtemada śni kin, he umaśi kin hee waḣteda śni ece, eya.

Lukas 5:14

Unkan tuwedan okiyake śni śi; tuka wawayuśna kin ekta ye c̣a wanyagic̣iye kta, qa wayuskapi kta on token Moses econ wicaśi qon he ecen econ kta, keya; hecen wowicakiyake kta.

Lukas 9:4

Qa tukte tipi wan en yaipi kinhan, hen ece yukan po, qa hetanhan iyoopta ya po.

Lukas 9:48

Qa hewicakiya; Tuwe kaśta hokśiyopa kin de micaje on eyaku kinhan, he miye e emayaku; qa tuwe kaśta miye emayaku kinhan, he umaśi kin hee eyaku ece; hecen niyepi owaśin wanji tukte nicistinpidan kinhan, hee tanka kta ce, eya.

Olianyanpi kin 13:51

Tuka iś iyepi kin, hena en, siha watuśekśeca askape cin he hdatatapi, qa Ikonium ekta ipi.

Olianyanpi kin 18:6

Unkan hena e wakipajinpi, qa śicaya iapi kin, hehan Palos wokoyake aihdatata, qa hewicakiya, Niwe kin nipapi kin akan niunpi nunwe, miye mabapica śni waun, detanhan Ikcewicaśta kin ekta mde kta ce.