Lukas 9:48 - Dakota Wowapi Wakan Kin

⁴⁸ Qa hewicakiya; Tuwe kaśta hokśiyopa kin de micaje on eyaku kinhan, he miye e emayaku; qa tuwe kaśta miye emayaku kinhan, he umaśi kin hee eyaku ece; hecen niyepi owaśin wanji tukte nicistinpidan kinhan, hee tanka kta ce, eya.

Lukas 9:48 Iomraidhean Croise

Mattheos 18:10

Ihnuhan dena cikcistinpidan wanjidan eśta śiceyadake cinhan; heciciyapi ce; Maḣpiya ekta ohnihdewicayapi tawapi kin hena Ate maḣpiya ekta un kin ite ohinniyan wanyakapi ece.

Mattheos 18:14

He iyececa, dena cikcistinpidan wanjidan eśta toki eḣpeyapi kta, Niyatepi maḣpiya ekta un kin hecen tawacin śni.

Mattheos 19:28

Unkan Jesus hewicakiya; Awicakehan heciciyapi; Niyepi tona teca ni en wicatonpi kin de en omayapapi kin, tohan Wicaśta Cinhintku kin wowitan oiyotanke tawa kin en kiyotanke cinhan, niś eya oiyotanke akenonpa akan idotankapi kta, qa Israel wicoun akenonpa wicadacopi kta ce.

Mattheos 25:40

Unkan Wicaśtayatapi kin waayupte c̣a hewicakiye kta; Awicakehan heciciyapi; Mihunkawanji kin dena cikcistinpidan hecawicayeconpi kin he miye ecamiyeconpi ece.

Mattheos 25:45

Hehan awicayupte c̣a heye kta; Awicakehan heciciyapi; Dena cikcistinpidan hecawicayeconpi śni kin he miye ecamiyeconpi śni ece.

Markos 9:37

Tuwe hokśiyoqopa dececa wanji, micaje on tin hiyuye cinhan, miye tin hiyumayan ece; qa tuwe tin hiyumaye cin he miye śni, tuka tuwe u maśi kin he tin hiyuya ece.

Lukas 10:16

Tuwe ananigoptanpi kin, he miye e anamagoptan; qa tuwe waḣtenidapi śni kin, he miye e waḣtemada śni; qa miś tuwe waḣtemada śni kin, he umaśi kin hee waḣteda śni ece, eya.

Lukas 14:11

Tuwe kaśta ihduwankantu kinhan, hee yuhukun iyayeyapi kta ce; qa tuwe ihduhukuye cinhan, hee yuwankantuya ayapi ece e kta.

Lukas 22:26

Tuka niś henicecapi kte śni; tuka niyepi kin ekta tukte wanji tokapa kinhan, hee hakakta kin iyecece kta ce.

Lukas 22:30

Qa hecen wokiconze mitawa kin en, wahna wotapi mitawa kin ekta wayatapi, qa wadatkanpi kta; qa wicaśtayatapi oyanke kin heca akan idotankapi kta, qa Israel wicoun akenonpapi kin wicadacopi kta ce.

Lukas 7:28

Qa miye heciciyapi; Winoḣinca eciyatanhan wicatonpi kin wicaśta wokcan tuwedan Johannes baptem wicaqu qon isanpa tanka śni: tuka Wakantanka tokiconze kin en tuwe iyotan cistinna kin he he kapa ce.

Johannes 13:20

Tuwe tokiya yewakiye cin tuwe iyowinkiye cinhan, he miye e iyowinmaye; qa tuwe iyowinmaye cinhan, he tuwe u maśi kin he iyowinkiya, wowicake, wowicake eciyatanhan eciciya pi.

Johannes 14:21

Tuwe mitawoahope yuho c̣a, hena ope cinhan he waśtemadake cin ee; qa tuwe waśtemadake cinhan, Atewaye cin he waśtedake kta, qa miś nakun waśtewadake kta, qa en mihdutanin kta ce.

I. Thessalonike 4:8

Hecen tuwe waaktaśni kinhan, he wicaśta paha iyewicaye śni, tuka Wakantanka Iye Taniya Wakan unqupi kin hee aktaśni.

I. Inyan 5:6

Heon etanhan, Wakantanka nape waśake cin ihukuya onśikiḣan po; hecen tohan iyehantu kinhan yuwankan inicupi kta:

Wayuotanin 21:14

Qa otonwe conkaśke kin taku akan he cin hena ake nonpa, qa Amnos kin yewicaśi ake nonpa cajepi kin hena en un.

Wayuotanin 3:21

Tuwe ohiye cinhan he oiyotanke mitawa kin akan mici iyotanke wakiye kta, miye ohiwaye c̣a Ate oiyotanke tawa kin akan weci imdotanke cin he iyecen.