Lukas 9:39 - Dakota Wowapi Wakan Kin

³⁹ Unkan iho, woniya wan yuza ec̣a, ihnuhana śicahowaya ece; qa yuḣdeḣdec̣a, qa hecen minitaga apaśdiya, qa onśiya kuwa, qa kitan se ayuśtan ece.

Lukas 9:39 Iomraidhean Croise

Markos 9:18

Qa tukten eyaku eca yuḣdeḣdeca ece; hecen i minitaga au, qa hi hdakinskinza, qa ḣanyan ece; unkan waonspewicayakiye cin hena tankan eḣpeyapi kta kewicawakiya, tuka okitpanipi.

Markos 9:20

Hehan en kahipi. Unkan wanyag iheye cin hecehna woniya kin yuḣdeḣdeca; qa makata eḣpeye c̣a, i minitaga au paptanptan iyeic̣iya wanka.

Markos 9:26

Unkan hotanin qa nina yuḣdeḣdeca, qa tankata hinanpa; unkan wicaśta ṭa iyececa, hecen, Wanna ṭa ce, wicota eyapi.

Lukas 4:35

Unkan Jesus kiśice c̣a heciya; Inina un, qa wicaśta kin etanhan tankan hinapa wo, eya. Unkan wakanśice cin wicaśta qon wicacokam eḣpeye c̣ehan, etanhan tankan hinapa; tuka ksuweye śni.

Lukas 8:29

Taku wakan śape cin wicaśta kin etanhan hinanpe śi heon etanhan. He ijehan yuza ece; unkan mazaicicaḣiḣa wicaśke ko on kaska hnakapi; tuka wicaśke kin yupsapsake c̣a, wakanśice makotahedan ekta iyayeya ece.

Lukas 9:38

Unkan iho, wicota kin etanhan wicaśta wanji hoyekiye c̣a heya; Waonspekiye cin, ceciciya ce, micinkśi kin atonwan wo; micinca hecedan:

Lukas 9:40

Unkan waonspewicayakiye cin cewicawakiye, c̣a napeye wicawaśi; tuka okitpanipi, eya.

Johannes 8:44

Wakanśica ateyayapi kin henitanhanpi, qa niyatepi tawacin kin ecen ecanonpi yacinpi ece. He otokahe etanhan tinwicakte kin heca, qa wowicake kin en najin śni, wowicake takudan en un śni nakaeś. Tohan woitonśni oyaka eca, he iye cinka ohdaka ece; iye kin woitonśni sa, qa woitonśni atkuku kin hee.

I. Inyan 5:8

Witkopi śni po, waktaya un po; Wakanśica tokaniyanpi kin he mnaja hoton ece kin iyecen omani un, tuwe yapote kte cin he akita ece.

Wayuotanin 9:11

Unkan wicaśtayatapi wan yuhapi, wośbe ceteta wanica etanhan ohnihde, Hebrew iapi kin eciyatanhan Abaddon eciyapi, qa Helenes iapi kin eciyatanhan Apoluon eciyapi kin hee.