Lukas 9:19 - Dakota Wowapi Wakan Kin

¹⁹ Unkan waayuptapi qa, Johannes baptem wicaqu qon; qa apa iś, Elias; qa apa tokeca iś; Wanakaja waayatapi qon hena etanhan wanji kini ce, eyapi ce, eyapi.

Lukas 9:19 Iomraidhean Croise

Mattheos 14:2

Qa tahokśidan kin hewicakiya; Johannes baptem wicaqu ece kin he dee; ṭapi kin etanhan kini, heon etanhan wicoḣan tanka econ ece.

Mattheos 3:1

Unkan anpetu kin hena en, Johannes baptem wicaqu ece kin he Juda tamakoce ḣewoskan ekta woyaka hi;

Markos 6:14

Unkan Herod wicaśtayatapi kin hena naḣon; caje kin tankaya oyakapi nakaeś; hehan heya; Johannes baptem wicaqu qon he ṭapi kin etanhan kini, heon etanhan wicoḣan tanka econ ece.

Markos 6:15

Tuka toktokeca heyapi; Elias hee. Qa toktokeca iś; He wicaśta wokcan, qa iś wicaśta wokcan wanji iyececa ce, eyapi.

Lukas 9:18

Unkan iśnana wocekiye eya un qehan, waonśpewicakiye cin hena kici unpi: unkan wiwicawange c̣a heya; Miye matuwe oyate kin keyapi he.

Lukas 9:20

Unkan hewicakiya; Tuka niye matuwe kehapi he. Unkan Inyan waayupte c̣a heya; Wakantanka etanhan Messiya kin.

Johannes 1:21

Unkan wiwangapi; Nituwe he; Eliyas he niye he. Unkan, He miye śni ce, eya. Wicaśta wokcan kin he niye he, eciyapi. Tuka, Hiya, eya.

Johannes 1:25

Unkan wiwangapi qa heciyapi; Hecen tokeca e baptem wicayaqu he; Messiya he niye śni, qa Eliyas he niye śni, qa wicaśta wokcan kin he niye śni hecinhan.

Johannes 7:40

Oyate kin etanhan wicota wicoie kin de naḣonpi qehan, Awicakehan wicaśta wokcan kin he dee ce, eyapi.

Johannes 9:17

Ake wicaśta iśtagonge ciqon heciyapi; Qa niś token eyakiya he, iśta tonweniye cin. Unkan, He wicaśta wokcan kin heca ce, eya.