Lukas 9:16 - Dakota Wowapi Wakan Kin

¹⁶ Hehan aguyapi zaptan qa hogan nonpa qon hena icu; qa maḣpiya ekta etonwan, qa yawaśte, qa yuśpaśpa, qa waonspewicakiye cin wicaqu; qa iye oyate kin wicitokam ewicakicihnakapi kta.

Lukas 9:16 Iomraidhean Croise

Mattheos 14:19

Unkan oyate kin wato en iyotanke wicaśi, qa aguyapi zaptan qa hogan nonpa nakun icu, qa maḣpiya ekta etonwan, hehan yawaśte, qa yuśpaśpa qa waonspewicakiye cin wicaqu, unkan waonspewicakiye cin iś oyate kin wicaqupi.

Mattheos 15:36

Qa aguyapi śakowin icu, hogan kin hena nakun, qa yawaśte, hehan kiyuśpaśpa qa waonspewicakiye cin wicaqu; unkan waonspewicakiye cin oyate kin wicaqupi.

Markos 7:34

Hehan maḣpiya ekta etonwe c̣a comnihdazi qa heciya; Ephatha, yuḣdokapi nunwe, eyapi kin he kapi.

Lukas 22:19

Unkan aguyapi kin icu, qa wopida eye, c̣a yuśpaśpa, qa wicaqu, qa heya; Mitancan niyepi on qupi kin he dee ce; decen miksuya econ po.

Lukas 24:30

Unkan om wota yanke c̣ehan, aguyapi eyaku, qa yawaśte, qa yuśpaśpa, qa wicaqu.

Lukas 9:15

Unkan ecen econpi, qa owasin iyotang wicakiyapi.

Lukas 9:17

Unkan wotapi qa owasin wipipi; unkan onśpaśpa iwicakiciyaye cin hena pahipi, makanopiye akenonpa.

Johannes 6:11

Hehan Jesus aguyapi kin hena icu qa yawakan, qa waonspewicakiye cin wicaqu; unkan waonspewicakiye cin iyotang hiyeye cin wicakipamnipi; qa nakun hogan tohanyan cinpi kin.

Johannes 6:23

Tuka Jesus aguyapi yawakan qa yutapi qon he en ikiyadan Tiberias eciyatanhan wata toktokeca en hipi.

Olianyanpi kin 27:35

Hena hecen eya hehan aguyapi icu, qa owasin wicitokam Wakantanka cekiye c̣a, kiyuśpe c̣a yuta.

Roma 14:6

Tuwe anpetu wan awacin kinhan he Itancan kin on awacin; qa tuwe anpetu kin awacin śni kinhan, Itancan kin ekta awacin śni. Tuwe wote cinlian, he Itancan kin on wota, qa Wakantanka wopida eciya; qa tuwe wote śni kinhan, Itancan kin on wote śni, qa Wakantanka wopida eciya ece.

I. Korinth 10:30

Wowaśte on en owape cinhan, tokeca e taku on wopida epe cin he on mayaśicapi he.

I. Korinth 11:24

Qa wanna wopida eye cin hehan kiyuśpe c̣a heya; Icupi qa yuta po; mitancan kin niyepi on kiyuśpapi kin he dee; decen miksuya econ po.