Lukas 9:11 - Dakota Wowapi Wakan Kin

¹¹ Unkan oyate kin sdonyapi qehan, ihakam eyaya: unkan iyowinwicakiye c̣a, Wakantanka tokiconze kin he iwowicakiyake c̣a, tona asniyanpi cinpi kin hena asniwicaya.

Lukas 9:11 Iomraidhean Croise

Mattheos 12:15

Tuka Jesus he sdonye c̣a hetanhan tokan iyaya; unkan wicota ḣinca ihakam unpi, qa iye hena owasin asniwicaya:

Mattheos 14:14

Unkan huta ekta ihunni qehan, wicota wanwicayaka; qa onśiwicakida, qa tona teḣiya unpi kin hena asniwicaya.

Mattheos 21:31

Denaoza unma tukte atkukupi tawacin kin ecen econpi he. Unkan, Tokapa kin, eciyapi. Hehan Jesus hewicakiya; Awicakehan heciciyapi; Wamnayanpi qa wawiciḣaḣapi econpi sa niyepi nitokam Wakantanka tokiconze kin en yapi kta.

Mattheos 21:43

Heon etanhan heciciyapi; Wakantanka tokiconze kin eniciyakupi kta, qa oyate wan waskuyeca icaḣyapi kte cin he wicaqupi kta.

Lukas 1:53

Wotektehdapi kin hena taku waśteśte on imnahanwicaye, ca wijicapi kin iś cokakadan tokan yewicasi.

Lukas 5:31

Unkan Jesus waayupte c̣a hewicakiya; Tona zanipi kin hena pejihutawicaśta cinpi śni, tuka wayazanpi kin.

Lukas 8:1

Unkan he iyohakam, otonwe tankinkinyan otonwe cikciqadan ko, owasin iyaza un, qa wootanin waśte Wakantanka tokiconze ahna yaotanin. Unkan akenonpapi kin kici unpi:

Lukas 8:10

Unkan heya; Niyepi Wakantanka tokiconze woanaḣbe kin hena oyakaḣnigapi kta nic̣upi; tuka tokan kin iś wiyacinpi ece: hecen etonwanpi keś wanyakapi kte śni, qa wanaḣonpi keś okaḣnigapi kte śni ce.

Lukas 9:10

Unkan wahośiyapi kin hena wanna hdipi qehan, taku token econpi kin owasin okiyakapi. Unkan ewicahdaku qa naḣmanna icunonpa makotahedan wan ekta i, he otonwe wan Bethsaida eciyapi kin ahankeya.

Lukas 9:12

Unkan wanna ḣtayetu aye c̣ehan, akenonpapi kin upi, qa heciyapi, Wicota kin tokan yewicaśi wo; hecen otonwe qa ihdukśan makoce wanke cin hena ektakta yapi, qa taku yutapi oic̣idepi, qa iwankapi kta ce; den makotahedan unyakonpi heon etanhan.

Lukas 9:2

Qa Wakantanka tokiconze kin oyakapi kta, qa wayazankapi kin asniwicayapi kta ye wicaśi.

Johannes 4:34

Tuka Jesus hewicakiya; Tuwe u maśi kin he tawacin kin ecen ecamon kta, qa iye toḣan kin weciyuśtan kte cin he taku wate cin ee.

Johannes 6:37

Ate tona maqu kin owasin miye en mau kta; qa tuwe en mau kinhan tankan iyewaye kte śni.

Olianyanpi kin 28:31

Wakantanka tokiconze kin yaotanin, qa Jesus Messiya Itancan taku tawa kin wuditagya oyaka ece, tuwedan teḣinda śni.

Roma 10:14

Tuka tuwe kin wacinyanpi śni kinhan token on he hoyekiyapi kta he; qa he nahaḣin naḣonpi śni kinhan token wacinyanpi kta he; qa tuwedan oyake śni kinhan token naḣonpi kta he.

Roma 10:17

Heon etanhan wanaḣonpi kin eciyatanhan wicadapi kin u, qa wanaḣonpi kin he Wakantanka oie kin eciyatanhan.

Roma 15:3

Messiya iye kaeś iyokipi ic̣iye śni, tuka wowapi en kagapi qon iyecen, Tona aniiapi kin waaiapi kin he miye aiḣpemayanpi qon.

II. Timotheos 4:2

Wicoie kin oyaka wo, tohan oiyokipi, qa nakun oiyokipi śni eśta, ḣanditaic̣iya, wo. Owotanna wicakage wacin, iyopewicaya, wahokonwicakiya wo, woonspe qa wawacinkta yuzapi tanka kin on.

Hebrew 4:16

Heon etanhan wowaśte oiyotanke kin en waditagya unkicupi kta, hecen wowaoniida unkicupi kta, qa tohan uncinpi eca wowaśte wawokihi kin iyeunyanpi ece e kta.