Lukas 8:25 - Dakota Wowapi Wakan Kin

²⁵ Unkan hewicakiya; Wacinyayapi kin tukte e he. Unkan iś wikopapi, inihanpi qa hekiciyapi; De taku wicaśta he; tate mini kici ee kaeś okiya eca, anagoptan ece.

Lukas 8:25 Iomraidhean Croise

Mattheos 14:31

Unkan Jesus ecahankeya nape ekta yekiye c̣a yuwankan icu, qa heciya; Cistinna wacinyaya, tokeca wacetunyahda he.

Mattheos 17:20

Unkan Jesus hewicakiya; Wacinyayapi śni heon; awicakehan heciciyapi; Sinape su wanjidan hinskokeca wacinyayapi unkanś, paha kin de, Detanhan tokan iyaya wo, eyakiapi kta; unkan tokan iyaye kta, qa taku oyakitpanipi wanice kta.

Mattheos 6:30

Unkan tinta peji, dehan icage c̣a heyakecinhan oceti en eḣpeyapi ece kin, he Wakantanka hecen koyagya hecinhan, niś niye wacinyan nicistinpidan, sanpa wakoyagniyanpi kte śni he.

Mattheos 8:10

Unkan Jesus he naḣon qehan yuśinyaya, qa ihakam unpi kin hewicakiya; Awicakehan heciciyapi, Israel hee kaeś en wacinyanpi hinsko tanka iyewaye śni ce.

Mattheos 8:26

Unkan hewicakiya; Cistinna wacinyayapi kin, tokeca koyakipapi he. Hehan inajin qa tate mini ko kiśica; unkan amdakedan tanka.

Markos 4:35

Unkan anpetu kin he en, wanna ḣtayetu hehan, hewicakiya; Akasanpa unyanpi kta.

Lukas 12:28

Hecen Wakantanka peji anpedehan mngata hiyeya, qa heyakecinhan petan eḣpeyapi kin hee kaeś wokoyake qu ehantanhan, kitanna wicayndapi kin, niś iyotan wokoyake nic̣upi kte śni he.

Lukas 8:24

Hehan en hipi qa yuḣicapi qa heyapi; Itancan, Itancan, untakunipi śni. Unkan najin hiyaye c̣a, tate qa mini taja ko kiśica: hecen ayuśtan, qa amdakedan tanka.

Lukas 8:26

Unkan Galile itakasanpa Gadarene tamakocepi kin en ipi.

Johannes 11:40

Wicayada kinhan, Wakantanka towitan wandake kta ce, eciciye śni he, Jesus eciya.