Lukas 8:15 - Dakota Wowapi Wakan Kin

¹⁵ Tuka tona wanna wicoie naḣonpi ec̣a, cante waśte qa owotanna mahen yuha unpi, qa wacintankaya sutonpi kin hena maka waśte akan un qon hena eepi ce, eya.

Lukas 8:15 Iomraidhean Croise

Mattheos 24:13

Tuka tuwe owihanke hehanyan najin kinhan he ni kta.

Lukas 11:28

Tuka iye heya; Han, tuka tona Wakantanka oie kin naḣonpi, qa ecen econpi kin hena iś iyotan wicayawaśtepi ce.

Lukas 6:45

Wicaśta waśte kin he cante woyuha waśte kin etanhan taku waśte icaḣya ece; qa wicaśta śice cin he cante woyuha śice cin etanhan taku śice icaḣya ece: wicacante taku iyakic̣uya ohnaka kin he etanhan i kin eciyatanhan enapeya ece, eya.

Lukas 8:14

Qa tona wanna naḣonpi, qa hehan tokiya yapi, qa wiconi kin de woawacin kin, qa wowijice, qa wowiyuśkin kin, hena on aoṭinzapi, qa hecen tanyan sutonpi śni kin hena wapepeka ehna hinḣpaye ciqon eepi ce.

Lukas 8:16

Wicaśta kin tuwedan petijanjan wan ideye, c̣a wakśica wan iyahdapśinyan eḣpeye śni, qa nakun owinja wan oḣdateya ehnake śni ece; tuka petijanjan ihupa akan ehde ece: hecen tona en ipi kinhan, ijanjan kin wanyakapi kta.

Johannes 14:15

Waśte mayadapika hecinhan, mitawoahope kin tanyan yuha po.

Johannes 15:10

Mitawoahope kin duhapi kinhan, mitowaśte kin he kici yaunpi kta; Ate tawoahope mduhe cin heon towaśte kin kici waun kin he iyececa.

Roma 2:7

Tona wicoḣan waśte en ape yukanpi, qa wowitan, woyuonihan, qa ṭepica śni kin akitapi ece kin hena wiconi owihanke wanice kta:

Roma 6:22

Tuka nakaha woaḣtani etanhan enihdakupi, qa Wakantanka wowidake niyanpi, heon wicayuecedan on waskuyeca duhapi, qa he ihanke kin owihanke wanin wiconi kin hee.

Roma 7:18

Miye en, miceḣpi kin he waka, taku waśte en maun śni e sdonwakiya Ic̣iconzapi kin he iyemicihantu, tuka token taku waśte ecamon kte cin iyewakiye śni.

Roma 7:4

Heon etanhan, mihunkawanji, niś eya Messiya tancan kin eciyatanhan woope kin ekta niṭapi kin; hecen tuwe tokeca hihnayayapi kta, tuwe wicaṭe cin etanhan ekicetuyapi qon he hee; hecen Wakantanka on waskuyeca icaḣunyanpi kta.

Roma 8:25

Tuka taku wanunyakapi śni kin he unkapepi hecinhan, hehan wacintankapi on unkicupi kta e ape unyakonpi ece.

I. Korinth 7:19

Bakiḣdayapi kin he taku śni, qa bakiḣdayapi śni kin he nakun taku śni, tuka Wakantanka tawoahope opapi kin he tanka.

Ephesos 2:8

Wowaonśida kin on yanipi, wacinyanpi kin eciyatanhan, qa he niyepi kin etanhan śni, Wakantanka taku nic̣upi kin hee.

Philippi 1:11

Qa wicoowotanna waskuyeca kin on ojudan yaunpi nunwe, hena Jesus Messiya on Wakantanka woyatan qa wowitan tawa kin ee.

Kolosse 1:10

Hecen taku iyokipi kin owasin on, Itancan kin en tanyan mayanipi kta, wicoḣan waśte owasin en, waskuyeca icaḣyayapi, qa Wakantanka sdonyapi kin en sanpa inicagapi kta.

Kolosse 1:6

He en nihipi, maka kin owancaya iyaye cin he iyececa, qa waskuyeca aicaga, niyepi kin en nakun, anpetu kin en nayaḣonpi, qa awicakehan Wakantanka towaonśida iyacupi qon ehantanhan.

Hebrew 10:36

Wacinnitankapi kta iyececa; hecen Wakantanka tawacin kin ecen ecanonpi kinhan, taku iwahounyanpi kin he iyacupi kta.

Hebrew 2:1

Heon etanhan taku naunḣonpi; kin hena tohinni unkikusepi kte śni e on sutaya awauncinpi kta.

Jakob 1:4

Tuka wacintankapi kin he toḣan kin tanyan hduśtan kte; hecen niyuśtanpi qa ocowasin yaunpi kta, qa takudan iyonitpanipi kte śni.

I. Johannes 2:3

Unkan deciyatanhan iye kin wanna sdonunyanpi e sdonunkiyapi, tawoahope unkokicipapi kinhan.