Lukas 8:13 - Dakota Wowapi Wakan Kin

¹³ Tona wicoie naḣonpi eca iyuśkinyan icupi ece kin hena imnija akan un qon hena ee; hena hutkan nicapi, qa cistiyedan wicadapi, tuka taku iyutanwicayapi hehan ayuśtanpi ece.

Lukas 8:13 Iomraidhean Croise

Markos 6:20

Herod Johannes kokipa, wicaśta owotanna qa waśte sdonya, heon itonpa; qa oie naḣon eca taku ota ecen econ, qa iyuśkinyan naḣon ece.

Lukas 8:12

Canku icahda qon he tona naḣonpi kin heepi; hehan wakan śice cin en hi, qa wicoie kin cantepi kin etanhan eyaku ece, awacinpi qa niwicayapi kte śni heon.

Lukas 8:14

Qa tona wanna naḣonpi, qa hehan tokiya yapi, qa wiconi kin de woawacin kin, qa wowijice, qa wowiyuśkin kin, hena on aoṭinzapi, qa hecen tanyan sutonpi śni kin hena wapepeka ehna hinḣpaye ciqon eepi ce.

Johannes 15:2

Adetka tona miye on waskuyeca icaḣye śni kin hena yupśun; qa adetka tona waskuyeca icaḣye cin hena pakinta, hecen on waskuyeca ota icaḣye kta.

Johannes 15:6

Tuwe mici un śni kinhan adetka iyecen tankan eḣpeyapi, hecen śnija aya; unkan hena wicaśta pahipi qa petan eḣpeyapi, hecen ḣuḣnaga, ece.

Johannes 5:35

He peta ijanjan iyege c̣a okitanin; unkan iyoyanpa tawa kin on kohanna iyuśkin wacannipi.

I. Korinth 13:2

Qa wowiyukcan mduhe c̣a, taku anaḣbeya un kin owasin, wookaḣnige owasin ko, sdonwaye c̣a, wowacinye owasin mduha, on ḣe kin yutokan iyewaye kta owakihi eśta, wacanwakiye śni ehantanhan mataku śni.

I. Korinth 15:2

He eciyatanhan nakun yanipi kta, wicoie unkoniciyakapi kin on, he ṭinsa duhapi kinhan, qa ecinśniyan awacanipi śni kinhan.

Galatia 3:1

Galatia wicaśta wacin tonpi śni kin, tuwe niyuhnaśkinyanpi, qa hecen wowicake kin anayagoptanpi kte śni he; niyepi kin en Jesus Messiya icipaweḣ okatanpi kin he niiśtapi kin itokam yuotaninpi.

Galatia 3:4

Kana owasin taku śni on iyotanhan iyeyakiyapi he; he taku śni on etanhan hecinhan.

Ephesos 3:17

Hecen wacinyanpi onnicantepi kin mahen Messiya ounye kta;

Kolosse 1:23

Wacinyayapi kin en nayajinpi kinhan, sutaya yaunpi, qa ṭinsa nayajinpi, qa wotanin waśte woape nayaḣonpi kin etanhan nihinḣpayapi śni kinhan; he maḣpiya kin ihukuya wicaśta hiyeye cin owasin owicakiyakapi, qa he en Palos he miye ookiye makagapi:

Kolosse 2:7

Iye en sutaya hu nihdepi, qa en tinicagapi, qa wowacinye kin ṭinsa ayahanpi kta, onspeniciyapi qon he iyececa, qa en wopida cyapi kin sanpa ota ecanonpi kta.

I. Thessalonike 3:5

Heon etanhan ṭinsmic̣iye kta owakitpani, hehan token wacinyayapi kin sdonwaye kta e on he ekta ye waśi, okinni taku wawiyutanyan un kin iniyutanpi naceca, qa hecen ḣtaunnipi kin taku śni ye kta.

I. Timotheos 1:19

Wowacinye qa wicanagi waśte sutaya yahduhe kte cin heon. Wanjikśi hena eḣpeyapi qa on wacinyanpi ekta kamden iyeic̣iyapi.

Hebrew 10:39

Tuka tona wicotakuni śni ekta icicawin hdapi kin heuncapi śni; tona wacanagi ni kta e on wicadapi kin hena unkiyepi.

Jakob 2:26

Wicatancan kin woniya codan un kin he ṭa ece, he iyecen wacinyanpi kin wicoḣan codan kinhan, he nakun ṭa ece.

II. Inyan 2:20

Itancan qa Wanikiya Jesus Messiya sdonyapi kin eciyatanhan, wicoicage kin de en woaśape kin nakipapi eśta, ake hena on iyakapeyapi qa en ihdaśkapi kinhan, hena otokahe ekta waśte qa owihankepi kin he śica ece.

II. Inyan 2:22

Tuka wiyacinpi eyapi wicakapi kin he iyecen waakipapi; Sunka taku hiyuye cin he ake hduta ce; qa, Kukuśe yujajapi qon he ake upśija en iwanka ce.

I. Johannes 2:19

Unkiyepi kin etanhan inanpapi, tuka hena unkicicapi śni. Hena unkicicapi unkanś, unkici pi un wacinpi kta: tuka owasin unketanhanpi śni tanin kta e heon etanhan hececa.

Judas 1:12

Hena woaśape kin heca, wacantkiya wayatapi kin en opeya wotapi, qa wikopeśniyan cemic̣iyapi; maḣpiya śapa mini wanica tate on ayapi ece kin; can kin ptanyetu eca śeca aya, waskuyeca codan, inonpa śeca, qa hute eciyatanhan yujunpi kin hena hececapi.