Lukas 8:10 - Dakota Wowapi Wakan Kin

¹⁰ Unkan heya; Niyepi Wakantanka tokiconze woanaḣbe kin hena oyakaḣnigapi kta nic̣upi; tuka tokan kin iś wiyacinpi ece: hecen etonwanpi keś wanyakapi kte śni, qa wanaḣonpi keś okaḣnigapi kte śni ce.

Lukas 8:10 Iomraidhean Croise

Mattheos 11:25

Anpetu kin hena en Jesus waayupte c̣a heya; Ate, maḣpiya maka ko Itancan kin, ciyatan, dena taku kin tona ksapapi qa wasdonyapi kin anawicayakiḣbe c̣a hokśiyoqopapi owicayakidaka ece.

Mattheos 16:17

Unkan Jesus ayupte c̣a heciya; Simon Jona cinhintku niyawaśtepi ce; wicaceḣpi qa wicawe kin he oniciyake śni, tuka Ate maḣpiya ekta un kin he oniciyaka

Markos 4:11

Unkan hewicakiya; Wakantanka tokiconze woanaḣbe kin hena niye sdonyayapi kta e nic̣upi; tuka tankan unpi kin hena taku owasin wiyacinpi kin on econpi.

Markos 4:12

Hecen wawanyakapi on wanyakapi kta, tuka iyukcanpi kte śni; qa winaḣonpi on naḣonpi kta tuka okaḣnigapi kte śni; hecece śni kinhan okinni wicayuhomnipi kta, qa woaḣtani wicakicicajujupi kta.

Johannes 12:40

Iśta gonge wicaye c̣a, cante kin ekta nakun wacinton śni wicaya: hecen iśta on wiwanyakapi kte śni, qa cante on takudan yukcanpi kte śni, qa ihduecetupi kte śni, qa hecen wokiziwicawaye śni.

Roma 16:25

Tuwe wootanin waśte mitawa qa Jesus Messiya woyake cin he eciyatanhan niyusutapi kta okihi, wowiyukcan nakaha yuotaninpi kin eciyatanhan, he maka icage cin ehantanhan wicoicage kin en anaḣmanpi qon;

I. Korinth 12:11

Tuka heha owasin Woniya wanjidan qa okonwanjidan un kin ne oḣanye c̣a, token cin kin hecen wicaśta otoiyohi kipamni wicaqu ece.

Kolosse 2:2

Hecen iye cantepi kin kicanptapi kta, qa wac̣antkiyapi kin on kicicazontapi, qa wosdonye tanyan okaḣnigapi kta wowijice kin owasin on, qa Wakantanka towiyukcan sdonyapi kte cin on, Ateyapi qa Messiya tawa kin hee.

I. Timotheos 3:16

Unkan he taku aiepica śni, Wakantanka awacinpi kin he wowiyukcan tanka; Wakan tanka wicaceḣpi en ihdutanin qon, Woniya kin on yaowotanna kagapi, maḣpiya ohnihde kin wanyakapi, Ikcewicaśta kin ekta oyakapi, wicoicage kin en wicadapi, qa wowitan kin ekta wankan ehdakupi.