Lukas 7:6 - Dakota Wowapi Wakan Kin

⁶ Unkan Jesus hena om hda. Unkan wanna tipi kin itehan śni qehan, akicita opawinge wicayuhe ciqon he iś kodawicaye cin hena ekta yewicaśi, qa heciya; Itancan kin, nagiyeiciye śni wo, wati kin en tin yahidu kte cin iyemacece śni ce:

Lukas 7:6 Iomraidhean Croise

Mattheos 20:28

He iyececa, Wicaśta Cinhintku wowidake wicayuhe kta on hi śni, tuka idakapi kta, qa wiconi tawa wokajuju kta wicota on wicaqu kta heon hi.

Mattheos 3:11

Miye nihduecetupi kta on mini on baptem cic̣upi; tuka wanji iyotan waśaka mihakam u, he tahanpe kin weciyuhe kta iyemicihantu śni; he qe Woniya Wakan qa peta on baptem nic̣upi kta.

Markos 5:24

Unkan kici iyaya; qa wicaśta ota ihakam yapi qa aoṭinsyapi.

Lukas 5:8

Unkan Simon Inyan he wanyake c̣ehan, Jesus hupahu kin en makata eḣpeic̣iye c̣a heya; Itancan, eḣpeya imayaya wo, wicaśta waḣtani sa hemaca ce.

Lukas 7:4

Unkan hena Jesus ekta hipi qehan, awicakehan cekiyapi, qa, Hecakiconpi kte cin wicaśta kin he iyececa ce;

Lukas 7:5

Unkoyatepi kin cantewicakiye c̣a, omniciye tipi wanji wanna unkicagapi ce, eyapi.

Lukas 7:7

Heon etanhan miye ekta ciu kta nakun iyececa mic̣ida śni: tuka oie kin ecen eya wo, kinhan mitaokiye kin asni kta.

Lukas 8:49

Unkan Jesus iahan icunhan, omniciye tipi idaka ti kin eciyatanhan tuwe u, qa heciya; Waonspekiye cin nagiyeye śni wo; nicunkśi wanna ṭa ce, eya.

Olianyanpi kin 10:38

Jesus Nazareth etanhan kin he Wakantanka sdakiya, Woniya Wakan wowaśake ko on; qa he qe taku waśte econ iyaya ece, qa tona taku wakan śica wicayuhnaśkinyan kin hena okiziwicaya ece, Wakantanka kici un kin heon.

Jakob 4:10

Itancan kin itokam makata eḣpeic̣iya po, kinhan yuwankan inicupi kta.

Jakob 4:6

Tuka sanpa wowaonśida wicaqu ece; heon heya, Wakantanka waḣanic̣idapi kin wicakipajin, tuka tona onśikiḣanpi kin hena wowaonśida wicaqu ece.