Lukas 7:40 - Dakota Wowapi Wakan Kin

⁴⁰ Unkan Jesus Waayupte c̣a heciya; Simon taku eciciye kta mduha ce. Unkan iś, Waonspekiya, katinyan eya wo, eya.

Lukas 7:40 Iomraidhean Croise

Mattheos 26:49

Unkan katinyan Jesus en hi qa, Iho, Itancan, eye c̣a i iputaka.

Mattheos 7:22

Anpetu kin he en wicota hemakiyapi kta; Itancan, Itancan, nicaje on wiunyukcanpi śni he; qa nicaje on taku wakan śica napewicunyanpi; qa nicaje on wicoḣan tanka ota econkupi ce.

Lukas 18:18

Unkan wicaśta ihdawa wanji wiwange c̣a heya; Waonspekiyo waśte, token ecamon, qa owihanke wanin wiconi ohimic̣iye kta he.

Lukas 5:22

Tuka tawacinpi kin Jesus iwicayukcan, hehan waayupte c̣a hewicakiya; Taku e cante mahen aynkinicapi he:

Lukas 5:31

Unkan Jesus waayupte c̣a hewicakiya; Tona zanipi kin hena pejihutawicaśta cinpi śni, tuka wayazanpi kin.

Lukas 6:8

Tuka iye tawacinpi kin sdonwicaya, qa wicaśta nape śnije cin he heciya; Najin qa cokaya inajin wo. Unkan najin hiyaye c̣a en inajin.

Lukas 7:39

Unkan Pharisee kico qon he wanynke c̣ehan, cante mahen awacin qa heya; Wicaśta kin de wicaśta wokcan unkanś, yutan kin he tuwe qa taku winoḣinca kin sdonye kta tuka; he waḣtani sa kin heca.

Lukas 7:41

Wicaśta wan wicaśta nonpa oicazo wicaqu: unma kin kaśpapi opawinge zaptan iyohiye śni, qa unma kin iś wikcemna zaptan.

Johannes 13:13

Waonspekiya qa Itancan, emayakiyapi ece; he tanyan ehapi; he miye nakaeś.

Johannes 16:19

Wiwangapi cinpi kin he Jesus sdonya, unkan heon hewicakiya; Wanna aśkayedan wanmayadakapi kte śni, qa hen ikiyedan wanmayadakapi kta, epe cin he, he token kapi hwo, otoiyohi eyeciyapi he.

Johannes 16:30

Taku owasin sdonyaye c̣a, tuwe winiwange kta iyecece śni yaun e wanna sdonunyanpi; heon etanhan Wakantanka eciyatanhan yahi kin he wicaundapi, eyapi.

Johannes 3:2

Hanyetu wan Jesus yanke cin en i qa heciya; Itancan, waonspekiye Wakantanka eciyatanhan u kin henica sdonunniyanpi; taku wapetokeca ecanon ece kin tuwedan hecen okihi śni, Wakantanka kici un śni kinhan.