Lukas 7:33 - Dakota Wowapi Wakan Kin

³³ Johannes baptem wicaqu qon he aguyapi yute śni, qa miniśa yatke śni u; unkan, He taku wakan śica yuha ce, ehapi.

Lukas 7:33 Iomraidhean Croise

Mattheos 10:25

Tuka waonspekiyapi kin waonspekiya tawa kin iyececa, qa wowidake un kin yuhe cin iyececa hecinhan hecetu kta. Tipi tawa kin he Beelzebub eciyapi hecinhan, tiyohnake tawa kin iś nakun hewicakiyapi kte śni he.

Mattheos 3:1

Unkan anpetu kin hena en, Johannes baptem wicaqu ece kin he Juda tamakoce ḣewoskan ekta woyaka hi;

Mattheos 3:4

Unkan Johannes eqe tawokoyake taku wan kamel eciyapi he hin kin on kagapi, qa teḣmiso wan ipiyagkiton; unkan tawoyute kin psipsicadan qa tuḣmaga canhanpi kin hee.

Markos 1:6

Unkan Johannes kamel hin kin koyake c̣a teḣmiso wan ipiyagkiton; qa psipsicadan tuḣmaga canhanpi ahna yuta ece:

Lukas 1:15

Qa iye Itancan kin itokam tanka kta; qa miniśa miniwakan ko takudan yatke kte śni; qa hunku ikpi kin etanhan Woniya Wakan kin on ojudan kta.

Lukas 7:32

śiceca iciyopekiciyapi kin en iyotankapi, qa hoyekiciyapi qa heyapi; Unniciyajopi, tuka wayacipi śni; waśinunnicihdapi, tuka yaceyapi śni ce, eyapi kin he iyececapi ce.

Lukas 7:34

Wicaśta Cinhintku kin he wote c̣a wayatke hi; unkan hehapi; Wan, wicaśta wan wote sa, qa miniśa yatke sa, wamnayanpi qa waḣtanipi sa takodawicaya ece.

Johannes 10:20

De taku wakan śica yuha, qa he ihnaśkinyan, tokeca e nayaḣonpi he, wicota eyapi.

Johannes 8:48

Hehan Juda oyate kin ayuptapi qa heciyapi; Samariya oyate henitanhan, qa Wakanśica niyuhnaśkinyan ce, unkeniciyapi qon he wicaunkapi ce.

Johannes 8:52

Hehan Juda oyate kin heciyapi; Wakanśica niyuhnaśkinyan e dehan iyotan sdonunyanpi. Abraham hee kaeś ṭa, qa wokcanpi kin hena nakun ṭapi; tuka niye, Tuwe mioie yuhe cinhan tohinni wiconṭe ute kte śni ce, eha ce.

Olianyanpi kin 2:13

Qa wanjikśi iḣaḣapi qa; Dena miniśa skuya on imnanpi ce, eyapi.