Lukas 7:22 - Dakota Wowapi Wakan Kin

²² Henan Jesus waayupte c̣a hewicakiya; Hda po, qa taku wandakapi qa nayaḣonpi kin hena Johannes okiyaka po: Iśtagongapi kin hena tonwanpi, qa huśtepi kin iś manipi, qa lepros ececapi kin iś wicayuskapi, qa nogetpapi kin is wanaḣonpi, qa ṭapi kin iś kiniwicakiyapi, qa waḣpanicapi kin iś wootanin waśte kin he owicakiyakapi.

Lukas 7:22 Iomraidhean Croise

Mattheos 11:5

Iśtagongapi kin tonwanpi ece, huśtepi kin manipi ece, tona lepros ececapi kin ska wicakagapi ece, ṭapi kin kinipi ece, qa tona onśikapi kin hena wotanin waśte owicakiyakapi ece.

Mattheos 21:14

Hehan iśtagongapi huśtepi ko tipi wakan kin en hipi; unkan okiziwicaya.

Lukas 4:18

Itancan Woniya tawa kin he akan maun; heon waḣpanicapi kin wotanin waśte kin owicawakiyake kta e sdamakiya; tona cante psakawahanpi kin asniwicawaye kta on u maśi; wayaka unpi kin wicakiyuśkapi kta, qa iśtagongapi kin ake tonwanpi kte cin omdake kta; tona kaḣdeḣdecapi kin hena wicawakiyuśke kta;

Lukas 7:21

Unkan hehantudan ḣinca wayazankapi, qa makośica ececapi, qa woniya śikśtca ececapi, hena wicota asniwicaya; qa iśtagongapi kin heca ota tonwewicaya.

Lukas 7:23

Qa tuwe miye on śinhda śni kin he yawaśtepi ce.

Johannes 1:46

Unkan Nathanael heciya; Nazareth etanhan taku waśte u okihi kta he. U qa wanyaka wo, Philip eciya.

Olianyanpi kin 26:18

Iśta wicadumdaye c̣a, otpaza etanhan iyoyanpa ekta, qa Satan towaśake kin etanhan Wakantanka ekta wicaduhomni kta; qa hecen wacinmayanpi kin on waḣtanipi wicakicicajujupi kin, qa tona ska wicakagapi kin hena om woyuha yuhapi kta ce.

Olianyanpi kin 8:7

Taku wakan śica hotankakiya hotaninyan tona wicayuhnaśkinyanpi kin etanhan inanpapi, qa tona ṭaṭapike cin huśtepi ko ota okizipi.

Jakob 2:5

Naḣon po, mihunkawanji waśte; Wakantanka maka akan waḣpanicapi kin hena wicakaḣniga he, wacinyanpi on wijicapi, qa tona iye waśtedakapi wokiconze iwahowicaye ciqon he tawayapi kte cin.