Lukas 7:16 - Dakota Wowapi Wakan Kin

¹⁶ Unkan owasin nina wikopapi, qa Wakantanka yatanpi qa heyapi; Waayate wanji tanka unkiyopeyapi icaga ce, qa Wakantanka taoyate kin wanna wicahiyohi ce, eyapi.

Lukas 7:16 Iomraidhean Croise

Mattheos 15:31

Hecen wicota yuśinyayapi, ia okitpanipi qon hena iapi, hu bawicaksapi qon hena tokecapi śni, huśtepi qon hena manipi, qa iśtagongapi qon hena tonwanpi wanwicayakapi, heon etanhan; qa Israel Taku Wakan tawapi kin he yatanpi.

Mattheos 21:11

Unkan wicota kin heyapi; Jesus wicaśta wokcan Galile en Nazareth otonwe kin etanhan he dee.

Mattheos 28:8

Unkan wokokipe wowiyuśkin tanka ko yuha koyaḣanna kihdapi; waonspewicakiye cin hośi wicakakipi kta inyang hdapi.

Mattheos 9:8

Tuka wicota he wanyakapi hehan yuśinyayapi, qa Wakantanka wicaśta wookihi hinsko tanka wicaqu kin he yatanpi.

Lukas 1:65

Unkan okśan tipi kin owasin wikopapi: unkan iapi kin dena owasin Juda hośki kin owancaya yaotaninpi.

Lukas 1:68

Itancan Wakantanka Israel tawa kin he taoyate kin wanna wicahiyohi, qa opewicakiton, on etanhan yawaśtepi nunwe:

Lukas 19:44

Qa makata eḣpeniyanpi kta, nicinca en niunpi kin hena koya; qa inyan nonpa icitakihna wanke śni eḣpeniyanpi kta; anpetu en taku waśte nihiyohipi kin he sdonyakiye śni heon etanhan.

Lukas 2:20

Unkan taḣincaska awanwicayakapi kin hena kihdapi, qa taku naḣonpi qa wanyaknpi kin on Wakantanka yaonihanpi qa yatanpi; taku owicakiyakapi qon he iyececa.

Lukas 24:19

Unkan hewicakiya; Hena taku he. Unkan heciyapi; Jesus Nazareth etanhan kin on, he wicaśta wokcan, wicoḣan wicoie ko on waśaka, Wakantanka qa oyate kin owasin wicitokam.

Lukas 5:26

Unkan owasin inihanpi, qa Wakantanka yatanpi; qa wikopapi ḣince, c̣a heyapi; Wicoḣan nakaka toktokeca wanunyakapi ce, eyapi.

Lukas 5:8

Unkan Simon Inyan he wanyake c̣ehan, Jesus hupahu kin en makata eḣpeic̣iye c̣a heya; Itancan, eḣpeya imayaya wo, wicaśta waḣtani sa hemaca ce.

Lukas 7:15

Unkan ṭe ciqon iyotanke, c̣a ia. Unkan hunku kin kicu.

Lukas 7:39

Unkan Pharisee kico qon he wanynke c̣ehan, cante mahen awacin qa heya; Wicaśta kin de wicaśta wokcan unkanś, yutan kin he tuwe qa taku winoḣinca kin sdonye kta tuka; he waḣtani sa kin heca.

Lukas 8:37

Hehan ihdukśan Gadarene tamakocepi kin owancaya taku econpi qon he naḣonpi qehan, owasin nina wikopapi on etanhan cekiyapi, qa tokan yesipi. Unkan wata kin en okipe, c̣a icicawin kihda.

Lukas 9:19

Unkan waayuptapi qa, Johannes baptem wicaqu qon; qa apa iś, Elias; qa apa tokeca iś; Wanakaja waayatapi qon hena etanhan wanji kini ce, eyapi ce, eyapi.

Johannes 1:21

Unkan wiwangapi; Nituwe he; Eliyas he niye he. Unkan, He miye śni ce, eya. Wicaśta wokcan kin he niye he, eciyapi. Tuka, Hiya, eya.

Johannes 1:25

Unkan wiwangapi qa heciyapi; Hecen tokeca e baptem wicayaqu he; Messiya he niye śni, qa Eliyas he niye śni, qa wicaśta wokcan kin he niye śni hecinhan.

Johannes 4:19

Hehan winoḣinca kin heciya; Itancan, wicaśta wokcan kin henica imdukcan;

Johannes 6:14

Taku wapetogya Jesus econ kin oyate kin wanyakapi, qa heon heyapi, Wicaśta wokcan itancan oyate en hi kta keyapi qon he wanna dee.

Johannes 9:17

Ake wicaśta iśtagonge ciqon heciyapi; Qa niś token eyakiya he, iśta tonweniye cin. Unkan, He wicaśta wokcan kin heca ce, eya.

Olianyanpi kin 5:5

Unkan Ananias hena oie kin naḣon qehan, hinḣpaye c̣a ṭa iyaya. Unkan tona hena taku kin naḣonpi kin owasin nina wikopapi.

Olianyanpi kin 7:37

Moses Israel cinca kin; Hunkawanjin wicayayapi etanhan wicaśta wokcan wan miye iyemaceca, Itancan Wankantanka nitawapi kin icaḣniciciyapi kta, he anayagoptanpi kta ce, ewicakiye ciqon he dee.

Galatia 1:24

Unkan miye on Wakantanka yatanpi.