Lukas 7:12 - Dakota Wowapi Wakan Kin

¹² Unkan otonwe tiyopa kin he ikiyedan wanna ehan i qehan, inyun, wicaśta wan ṭa tankan aupi; hunku kin wiwazica heca, qa cinhintku hecedan. Unkan otonwe kin etanhan wicota opapi.

Lukas 7:12 Iomraidhean Croise

Lukas 7:11

Unkan ianpetu qehan otonwe wan Nain eciyapi kin en i; unkan waonspewicakiye cin etanhan ota qa oyate ota hena kici yapi.

Lukas 7:13

Unkan he Itancan kin wanyake c̣ehan, onśida qa heciya; Ceye śni wo.

Lukas 8:42

He cunwintku wanjidan, wanna waniyetu akenonpa ecetu; unkan iś wanna ṭe kte wanka. Tuka ekta ye cin hepiya oyate kin aohduteyapi.

Lukas 8:52

Unkan owasin aceyapi qa waśinhda enapeyapi ece. Tuka heya; Ceyapi śni po; ṭe śni, tuka iśtinma ce.

Johannes 11:19

Unkan Martha Mary kici yukanpi en Juda oyate wicota magagaye wicaipi, hunkawanjitkupi kin heon.

Olianyanpi kin 9:39

Hehan Inyan najin qa hena om hda. Ekta i, unkan wankan tipi kin en aipi, unkan wiwazica kin owasin en najinpi, qa ohde wokoyake ko, Tabitha ni un qehan, kage ciqon hena pazo yankapi, qa ceyapi ece.

Olianyanpi kin 9:41

Unkan nape yekiye c̣a najinkiya; qa wicaśta owotanna wiwazica ko wicakico qehan, he ni un e wicakipazo.

Jakob 1:27

Wakantanka qa Ateyapi kin itokam woohodapi opapi ecedan qa aśape śni kin he dee; Wamdenica qa wiwazica kakijapi eca en wicahipi, qa wicoicage kin en taku iyaonpepica śni ihduhapi kin hee.